Óńirlik prokýrorlarǵa azaptaý máselesine qatysty aryz-shaǵymdardy tekserýdi qatań baqylaýǵa alý sharalary tapsyryldy
ANA. 11 qarasha. QazAqparat /Rýslan Ǵabbasov/ - Búgin Bas prokýror Qaırat Mámıdiń tóraǵalyq etýimen quqyq qorǵaý organdarynyń Úılestirý keńesiniń kezekti otyrysy ótti. .
Jıyn barysynda BUU komıtetiniń azaptaýǵa qarsy usynystaryn júzege asyrý, sondaı-aq bas bostandyǵynan aıyrý mekemelerinen bosatylǵan adamdardy eńbekpen qamtý jáne olardyń turmystyq jaǵdaıy máseleleri talqylandy.
Atap aıtqanda Bas prokýror azaptaýǵa jáne qataldyq pen jazalaýdyń basqa da túrlerine qarsy kúres jónindegi qosymsha sharalar qajettigin jetkizdi. Osy oraıda óńirlik prokýrorlarǵa azaptaý máselesine qatysty aryz-shaǵymdardy tekserýdi qatań baqylaýǵa alý sharalary tapsyryldy.
Sonymen qatar onda bostandyqqa shyqqan azamattardyń áleýmettik beıimdelýi turǵysyndaǵy bul jumystyń tıimdiligin arttyrý, olardyń quqyqtaryn qorǵaý salasynda zańdylyqtyń saqtalýy boıynsha qadaǵalaýdy kúsheıtý nazardan tys qalmady. Májilis barysynda halyqaralyq tájirıbeni eskere otyryp bul saladaǵy jumysta tyń ádisterdi engizý usynyldy. Munymen qosa atalǵan basqosýda Úılestirý keńesiniń 2011 jyldyń birinshi jartyjyldyǵyna arnalǵan jumys jospary maquldandy.
