Óńirlik onkologııa ortalyqtary kúrdeli jóndeýden ótedi

ASTANA. QazAqparat – Mańǵystaý, Pavlodar jáne Jambyl oblystarynan basqa óńirlerdiń onkologııa ortalyqtaryna kúrdeli jóndeý júrgiziledi, dep habarlaıdy QazAqparat tilshisi.

Densaýlyq saqtaý mınıstri Ajar Ǵınııat Úkimet otyrysynda osyndaı málimet aıtty.

«5 óńirde (Almaty q., Atyraý, Almaty, Ulytaý, Jetisý oblystary) jańa onkologııa ortalyqtaryn salý jáne Aqtóbe, Qostanaı oblystary men Shymkent qalasynda radıologııalyq korpýs pen operatsııalyq-reanımatsııalyq korpýstardy rekonstrýktsııalaý josparda bar», - dedi Ajar Ǵınııat.

Sondaı-aq, ol búkil óńirlerde onkologııa ortalyqtaryn kúrdeli jóndeý qajettigin málim etti.

«Sońǵy 3 jylda jańa onkologııa ortalyqtary paıdalanýǵa berilgen Mańǵystaý, Pavlodar jáne Jambyl oblystaryn qospaǵanda, barlyq óńirlerde onkologııa ortalyqtaryna kúrdeli jóndeý júrgizý kózdelgen», - dedi mınıstr.