Óńirlik onkodıspanserlerde 19 hımııalyq terapııa kabınetteri ashylady
ASTANA. 4 qyrkúıek. QazAqparat - Óńirlik onkodıspanserlerde 19 ambýlatorııalyq hımııalyq terapııa kabınetteri ashylady, dep habarlady QR Densaýlyq saqtaý mınıstrliginiń baspasóz qyzmeti Pm.kz saıtyna.
«Ústimizdegi jyly óńirlik onkodıspanserlerde 19 ambýlatorııalyq hımııalyq terapııa kabınetteri ashylady», - delingen vedomstvo habarlarynda.
Shyǵys Qazaqstan oblysynda qýyq bezi qaterli isigine skrınıng, kolorektaldy qaterli isigine gemokýlt-test jasaý jónindegi ilki jobalar engizilýde. Óńirler onkologııalyq naýqastardy statsıonarlyq deńgeıde emdeý úshin dári-dármektermen qamtamasyz etilýde.
Sondaı-aq medqyzmetkerlerdiń, onkolog-dárigerlerdiń biliktiligin kóterý jáne Qazaq ulttyq onkologııa jáne radıologııa ınstıtýtyn medqondyrǵylarmen jabdyqtaý jumystary da júrgizilýde.
Atalǵan sharalar QR-da Onkologııalyq járdemdi damytýdyń 2012-2016 jyldarǵa arnalǵan baǵdarlamasy sheńberinde júzege asyrylýda. QR Densaýlyq saqtaý mınıstrliginiń aqparyna qaraǵanda 2013-2015 jyldary baǵdarlamany júzege asyrý úshin jalpy 103,5 mlrd teńge bólinse, 2013 jylǵa onyń 29,3 mlrd teńgesi tıesili.
