Óńirlik qarjy ortalyǵyn qurý tolyq kólemde júzege asyp jatqan joq - D. Sársenov
ALMATY. 18 qarasha. QazAqparat /Erlik Erjanuly/ - Qazaqstan qor bırjasynyń ınstıtýttyq damýynda kóptegen máseleler bar.
Bul týraly búgin "Eýrazııa" saqtandyrý kompanııasy" AQ-nyń Almatydaǵy alǵashqy qazaqstandyq press-týry kezinde aıtyldy.
"Qazaqstan óńirlik qarjy ortalyǵyn qurý tolyq kólemde júzege aspaýda. Áli kúnge deıin tolyqqandy qor bırjasy qurylǵan joq. Ondaǵy basty máseleler mynalar: Birinshi - ótimdiliktiń tómendigi, ekinshi - emıtentter sanynyń azdyǵy, úshinshi - qarjy quraldary sapasynyń tómendigi, tórtinshi - halyqtyń ınvestıtsııalyq saýatynyń azdyǵy, besinshi -qazaqstandyq kásiporyndardyń korporatıvtik strategııasynyń tómendigi. Qazir biz kásiporyndarda kóptegen defolttardy kórip otyrmyz. Bul negizinen ondaǵy qarjylyq taldaýdyń álsizdiginen oryn alýda", deıdi "Eýrazııa" saqtandyrý kompanııasy" AQ-nyń Aktıvterdi basqarý departamentiniń dırektory Dıas Sársenov.
Onyń aıtýynsha, kásiporyndar kásibı mamandarǵa tapshy nemese oǵan qarjy jumsaýda sarańdyq tanytady. Al árbir defolt saıyn ınvestorlardyń qor bırjasyna degen senimi azaıyp kele jatyr. Sondyqtan taıaýdaǵy 5 jyldyń ishinde Qazaqstan qor bırjasynyń damýy qıyn.
