Óńirlik ındýstrııalandyrý kartasyn jergilikti bılik organdary mamyr aıynda bekitedi - Á. Isekeshev

áýirdiń 28-i. QazAqparat /Ernur Aqanbaı/ - Údemeli ındýstrııalyq-ınnovatsııalyq damý baǵdarlamasy aıasyndaǵy óńirlik ındýstrııalandyrý kartasyn jergilikti bılik organdary aǵymdaǵy jyldyń mamyr aıynda bekitetin bolady.

Bul týraly búgin BNews.kz portalynda ótken online-konferentsııada vıtse-premer-ındýstrııa jáne jańa tehnologııalar mınıstri Áset Isekeshev málim etti, dep habarlaıdy QazAqparat.

«Respýblıkalyq ındýstrııalandyrý kartasyna 101 joba, al jergilikti jerlerde bekitiletin óńirlik ındýstrııalandyrý kartasyna 136 joba enip otyr. Óńirlik ındýstrııalandyrý kartasyn jergilikti bılik organdary aǵymdaǵy jyldyń mamyr aıynda bekitetin bolady», dedi Á. Isekeshev.

Osy oraıda vıtse-premer bıyl ındýstrııalandyrý baǵdarlamasy aıasynda 144 jobany iske qosylatynyn eske salyp ótti. «Bul jobalar boıynsha apta saıyn óńirlermen selektorlyq rejimde qyrýar jumystar jasalyp jatyr. Barlyq ákimdikter aıtarlyqtaı belsendi jumys isteýde. Árıne, jobalardyń paıdalanýǵa beriletin merziminiń, kestelerdiń keıinge ysyrylaýyna, jobalardyń almastyrylýyna qatysty problemalar bar. Biraq, buǵan jol berýge bolmaıdy. Al, jalpy tutastaı alǵanda biz bıyl 144 jobany tolyq iske qosatynymyzǵa senimdimiz», dedi Á. Isekeshev.