Óńirlik ındýstrııalandyrý kartasy: Kókshetaýda 17 joba engizildi
KÓKShETAÝ. QazAqparat - Óńirlik ındýstrııalandyrý kartasyna Kókshetaý qalasy boıynsha 1257 jumys orny qurylatyn quny 20,2 mıllıard teńgeniń 17 jobasy engizildi. Bul týraly Kókshetaý qalasynyń ákimi Ermek Marjyqpaev «2017 jyldyń áleýmettik-ekonomıkalyq damýynyń qorytyndylary jáne 2018 jyldyń negizgi mindetteri týraly» halyq aldynda esep berý kezdesýinde aıtty, dep habarlaıdy QazAqparat tilshisi.
«Dostar» mádenıet saraıynda ótken sharaǵa Aqmola oblysynyń ákimi Málik Myrzalın, oblystyq máslıhattyń hatshysy men depýtattary, oblys ákiminiń orynbasarlary, oblystyq departamentter men basqarmalar, kásiporyn-uıym basshylary men BAQ ókilderi qatysty.
Qala ákimi jyldyń eleýli oqıǵalaryna toqtala kelip, Memleket basshysynyń jýyrdaǵy Joldaýynan týyndaıtyn mindetter aýqymynda atqarylatyn jumystar josparyn ortaǵa saldy.
Onyń málimdeýinshe, ótken jyldyń qorytyndylary aldaǵy aýqymdy isterge senimdi negiz bola alady. Ekonomıkanyń naqty sektory serpindi damýda. Qalanyń ónerkásip kásiporyndary 101,8 mıllıard teńgeniń ónimin shyǵarǵan. ıAǵnı, jospar asyra oryndalǵan. Ýaqyt talabyna saı umtylystar da kóńil toltyrady.
«Óńirlik ındýstrııalandyrý kartasyna Kókshetaý qalasy boıynsha 1257 jumys orny qurylatyn quny 20,2 mıllıard teńgeniń 17 jobasy engizildi. Buǵan qosymsha, kartadan tys áleýmettik 10 joba qolǵa alynǵan. Bul ınvestıtsııalyq klımattyń jaqsarǵanynan derek beredi. Investıtsııa demekshi, negizgi kapıtalǵa quıylǵan qarjy 32,3 mıllıard teńgege jetip, 2016 jylǵy deńgeıden 2,1 mıllıard teńgege asyp túskeni jaqsy kórsetkishter qatarynda baǵalandy. Qaıtarym osyndaıdan molaıady. Máselen, shaǵyn bıznes salasynan ǵana bıýdjetke 11,7 mıllıard teńge qarjy túsip otyr», dedi qala ákimi.
