Óńirlik damý mınıstrligi yqsham mektepter problemasyn sheshý isine aralasýy tıis - S.Ahmetov
ASTANA. 29 qazan. QazAqparat - Óńirlik damý mınıstrligi yqsham mektepter problemasyn sheshý isine aralasýy tıis. Búgin Úkimet otyrysynda QR Premer-Mınıstri Serik Ahmetov osylaı dedi.
Yqsham mektepter problemasyn sheshý máselesi kún tártibinde turǵandyǵyn basa aıtqan Úkimet basshysy: «Resýrstyq ortalyqtar qurý máselesi mańyzdy baǵyt. Degenmen resýrstyq ortalyqtarda yqsham mektepterdiń balalaryn oqytý úshin jaǵdaı bolýy tıis. Bul jumystarǵa óńirlerdi damytý baǵdarlamasynyń aýyldyq aýmaqtardy qoldaý boıynsha jańa bóligi aıasynda Óńirlik damý mınıstrligi aralasýy tıis»,- dedi.
Sonymen qatar S.Ahmetov búgingi otyrysta tanystyrylǵan 2014-2016 jyldarǵa arnalǵan QR bilim jáne ǵylym salasynyń damý basymdyqtary baǵyttaryn qoldaıtyndyǵyn basa aıtty.
