Óńirlik damý mınıstrligi turǵyn úılerge tolyq termojańǵyrtý júrgizýge halyqty yntalandyrý tetikterin pysyqtaýda

ASTANA. 26 tamyz. QazAqparat - Óńirlik damý mınıstrligi turǵyn úılerge tolyq termojańǵyrtý júrgizýge halyqty yntalandyrý tetikterin pysyqtaýda. Bul týraly búgin Úkimet otyrysynda QR Óńirlik damý birinshi vıtse-mınıstri Qaıyrbek Óskenbaev málim etti.

«Búgingi kúni óńirlerdi damytý jónindegi biryńǵaı baǵdarlamany ázirleý aıasynda mınıstrlik turǵyn úılerge tolyq termojańǵyrtý júrgizýge halyqty yntalandyrý tetikterin pysyqtap jatyr. Energııa tıimdiliginiń qol jetkizilgen dárejesine baılanysty sýbsıdııalar bólý kózdelip otyr», - dedi ol.

Q. Óskenbaevtyń atap ótýinshe, Qazaqstan Respýblıkasynyń 2011-2020 jyldarǵa arnalǵan turǵyn úı-kommýnaldyq sharýashylyǵyn jańǵyrtý baǵdarlamasy aıasynda termojańǵyrtý elementterimen turǵyn úılerdi jóndeý júrgizilýde. Onyń nátıjesinde jylý energııasyn 30 paıyzǵa deıin únemdeýge qol jetkizilýi tıis.