Óńirlik damý mınıstrligi negizgi baǵdarlamalardy júzege asyrýdyń biryńǵaı úılestirýshisi bolady - QR Premer-Mınıstri
ASTANA. 17 qańtar. QazAqparat - Búgin Úkimet úıinde QR Premer-Mınıstri Serik Ahmetovtiń tóraǵalyq etýimen Úkimet otyrysy ótip, onda QR Prezıdentiniń «QR memlekettik basqarý júıesin odan ári jetildirý týraly» Jarlyǵyn júzege asyrý máselesi qarastyryldy.
Otyrysty ashqan S.Ahmetov mınıstrler kabınetiniń jańa músheleri - Premer-Mınıstrdiń Birinshi orynbasary - QR Óńirlik damý mınıstri Baqytjan Saǵyntaevty, QR Mádenıet jáne aqparat mınıstri Muhtar Qul-Muhammedti, sondaı-aq QR Ekonomıka jáne bıýdjettik josparalaý mınıstri Erbolat Dosaevty tanystyrdy, dep habarlady Úkimet basshysynyń baspasóz qyzmeti.
Ol Óńirlik damý mınıstrliginiń qyzmeti óńirler men el ekonomıkasy salalarynyń áleýmettik-ekonomıkalyq áleýetin tıimdi paıdalaný negizinde qazaqstandyqtardyń ál-aýqatyn arttyrýdy qamtamasyz etetin jaǵdaılardy týǵyzýǵa baǵyttalatyn bolady, dedi.
«Óńirlik damý mınıstrligi eki agenttikti biriktirý arqyly «Óńirlerdi damytý», «Qoljetimdi baspana-2020», «Bıznestiń jol kartasy-2020», «Jumyspen qamtý-2020», «Aq bulaq», TKSh jańǵyrtý jáne monoqalalardy damytý baǵdarlamalaryn júzege asyrýdyń biryńǵaı úılestirýshisi bolady», - dep atap ótti S.Ahmetov.
QR EBJM-ne Qarjy mınıstrliginiń bıýdjettik josparlaý salasyndaǵy ýákilettiligi; IJTM-nen ınvestıtsııaǵa qoldaý kórsetý men jaǵymdy ınvestıtsııalyq ahýal týǵyzýdyń memlekettik saıasatyn qalyptastyrý ýákilettiligi berildi.
«Sondaı-aq Óńirlik damý mınıstrligine Іshki ister mınıstrliginen halyqtyń kóshi-qony salasyndaǵy memlekettik saıasat máselesi de beriledi. ıAǵnı, Óńirlik damý mınıstrligi strategııalyq jáne ekonomıkalyq josparlaýdy esepke alǵanda, kóshi-qon saıasatyn júzege asyrýmen keshendi túrde aınalysatyn bolady», - dep qosty Premer-Mınıstr.
Qorshaǵan ortany qorǵaý mınıstrligi Aýyl sharýashylyǵy mınıstrliginen - jerdi melıoratsııalaýdan basqa, «jasyl ekonomıkany» damytý saıasatyna baqylaý jasaý jáne júzege asyrý, tabıǵı resýrstardy qorǵaý jáne tıimdi paıdalanýdy qadaǵalaý, sý resýrsyn basqarýdyń jáne balyq sharýashylyǵyn damytýdyń memlekettik saıasatyn qalyptastyrý qyzmetteri men ýákilettilikterin alady.
Atom energetıkasy agenttigi endi Indýstrııa jáne jańa tehnologııalar mınıstrliginiń quramyna kiretin bolady.
QR Eńbek jáne halyqty áleýmettik qorǵaý mınıstrligine ІІM-niń halyqtyń kóshi-qon salasyndaǵy vedomstvoaralyq úılestirý, kóshi-qon úrdisin retteý jáne monıtorıngteý salasyndaǵy sharalar júıesin ázirleý, kóshi-qondy retteý qyzmetteri men ýákilettilikteri beriledi.
Budan basqa, S.Ahmetov QR Prezıdentiniń Jarlyǵymen «Astana EKSPO-2017» UK» AQ basqarma tóraǵasy bolyp taǵaıyndalǵan Talǵat Ermegııaevqa sáttilik tiledi.
«Qaıta qurylǵan barlyq memlekettik organdar Memleket basshysynyń Jarlyǵyn júzege asyrýdyń basqa da qajetti sharalaryn qabyldasyn. Biz barlyq uıymdastyrý sharalaryn jedel túrde sheship, jumysqa kirisýimiz qajet. Prezıdent bizdiń aldymyzǵa óte mańyzdy mindetter qoıyp otyr, olardy naqty, sapaly ári ýaqytyly oryndaýymyz qajet», - dep tapsyrdy S.Ahmetov.
