Óńirlik damý mınıstrligi qurylysqa ruqsat alý úderisin edáýir jeńildetpek
ASTANA. QazAqparat - QR Óńirlik damý mınıstrligi qurylysqa ruqsat alý úderisin aıtarlyqtaı jeńildetýdi kózdep otyr.
Bul týraly búgin «Doing Business» reıtınginde Qazaqstan ındıkatorlaryn jaqsartý máselesine arnalǵan Úkimet otyrysynda atalǵan vedomstvonyń vıtse-mınıstri Serik Nokın málim etti.
«Biz ǵımaratty sáýlettik josparlaý men tehnıkalyq jaǵdaılardy alý merzimin aıtarlyqtaı qysqartýdamyz, ıaǵnı 30-40 kúnnen 5-7 kúnge deıin»,-dedi ol.
S. Nokınniń aıtýynsha, osy sharalar qurylysqa ruqsat alý boıynsha «Doing Business» reıtınginde Qazaqstandy 20-30 pozıtsııaǵa joǵarylatýǵa múmkindik beredi.
Aıta keteıik, reıtıngte 189 memlekettiń arasynda Qazaqstan 50 orynda turǵanymen, «Halyqaralyq saýda» ındıkatorynda 186 orynda, «Qurylysqa ruqsat berý» boıynsha 145 orynda, «Energııamen qamtamasyz etý júıesine qosylý» ındıkatorynda - 86, «Nesıe alý» ındıkatorlarynda 89 orynda tuǵyrlanǵan.
