Óńirlik damý mınıstrligi Astana jáne Almaty aglomeratsııasyn damytý josparlaryn jasady - S.Jumanǵarın
ASTANA. 5 sáýir. QazAqparat - QR Óńirlik damý mınıstrligi taıaý arada Astana men Almatynyń aglomeratsııasyn damytýdyń ázirlengen josparlaryn Úkimetke engizedi.
Bul týraly QR Óńirlik damý vıtse-mınıstri Serik Jumanǵarın málim etti, dep habarlady Primeminister.kz.
«Úkimet qaýlylarymen - Astana men Almaty boıynsha, jáne oblys máslıhattarynyń sheshimimen bekitiletin Aqtóbe, Aqtaý jáne Shymkent boıynsha Óńiraralyq josparlardy qabyldaımyz» - dedi S. Jumanǵarın.
Ol atap ótkendeı, qazirgi tańda basty maqsat bul aglomeratsııalardyń qala qurylysy saıasatyn úılestirý bolyp tabylady.
«Mysalǵa, Almaty týraly sóz etsek, ol qoldanystaǵy shekterdiń aglomeratsııa ıadrosy, bul jerde erekshe qala qurylysyn retteýdiń aımaǵy anyqtalady. Almaty boıynsha sheshim qabyldanǵan», - dedi Óńirlik damý mınıstrligi basshysynyń orynbasary.
«Bul aımaqta keıbir qurylys nysandary qala jáne oblys arasyndaǵy kelisim boıynsha júrgiziledi. Odan keıin aglomeratsııany tartý aımaǵy - onyń sheńberinde aglomeratsııa bir jarym saǵattyq qoljetimdilik arealynda keńeıe alady. Mundaı ızohrona halyqaralyq tájirıbege sáıkes Astana men Almatyǵa laıyq, al qalǵan aglomeratsııalar úshin saǵattyq ızohrona qolaıly», - dep túsindirdi vıtse-mınıstr.
Budan ózge, aglomeratsııalar úshin kontrmagnıt qalalardyń bolýy qarastyrylady, olar demografııalyq aǵynnyń bir bóligin alady, osylaısha demografııalyq qysymdy tómendetedi.
«Aıtalyq, Astana úshin kontrmagnıt qalalar Kókshetaý, Qaraǵandy, Atbasar bolyp tabylady, munda sáıkes óndiris damyp, ómir súrýge qolaıly jaǵdaı jasalady», - dep tolyqtyrdy vedomstvo basshysynyń orynbasary.
«Bul jumystyń qorytyndysy barlyq aglomeratsııalar damýynyń keshendi qala salý josparlaryn (aımaqaralyq shemalar) jasaý bolady. Bul qujatta barlyq aımaqtandyrýlar eskeriledi: onda ındýstrııaldy aımaqtar, rekreatsııa aımaqtary, negizgi qala salý aımaǵynyń radıýsy qandaı, tartylý aımaǵynyń radıýsy kórsetiledi, sondaı-aq onda jaıly aýdandar ornalasady», - dep atap ótti vıtse-mınıstr.
Sonymen birge, Astana men Almaty qalalarynyń ishinde jáne de negizgi baǵyttar boıynsha, qalalardyń óz aımaqtarynyń basty kompozıtsııalyq osterinde LRT (jeńil relsti kólik) jelisin jáne BRT qurý kózdelgen. «Almatyda tehnıkalyq-ekonomıkalyq negizdeme men LRT damytý baǵdarlamasy jasalýda, Astanada alda jasaý qajet», - dedi S. Jumanǵarın.
Budan ózge, úlken qalalar úshin ekologııalyq qaýipsizdik jáne tótenshe jaǵdaılarǵa beıimdelý sharalary qarastyrylady.
Jalpy alǵanda, vedomstvo basshysynyń orynbasary aıtyp ótkendeı, Astana jáne Almaty aglomeratsııasynyń Óńiraralyq damý josparlary júıelik sıpatqa ıe, olar jyl saıyn ózektendirilip, naqtylanyp otyrady.
«Qazirdiń ózinde bıýdjettik ınvestıtsııalyq jobalar sheńberinde is-sharalar bar. Bul rekreatsııalyq ınfraqurylym, mádenıet nysandary men sport nysandarynyń qurylysy. 2020 jylǵa deıin aglomeratsııa damýynyń alǵashqy nátıjesin kóremiz dep oılaımyn», - dep qorytyndylady vıtse-mınıstr.
