Óńirlik damý mınıstri qurylystyń ýaqytyly júrgizilmeýine jaýapty oblys ákimderiniń orynbasarlaryn qyzmetten bosatýdy usyndy
ASTANA. 14 mamyr. QazAqparat - Búgin Úkimet otyrysynda Premer-Mınıstrdiń birinshi orynbasary - Óńirlik damý mınıstri Baqytjan Saǵyntaev qurylysqa,
qarjynyń ıgerilmeýine jáne memlekettik baǵdarlamalardyń oryndalmaýyna jaýapty oblys ákimderiniń orynbasarlaryn qyzmetterinen bosatýdy usyndy.
Onyń sózine qaraǵanda, aı saıyn atalǵan taqyrypta selektorlyq jıyndar ótkizilip, tıisti qorytyndylar jasalady. «Biz ákimdikterge kinálilerdi ákimshilik túrde jaýapqa tartýy úshin usynys jasaımyz»,-dedi mınıstr.
Bul turǵyda B. Saǵyntaev qurylys jumystaryn ýaqytyly oryndamaǵan birqatar oblystyq basqarmalardyń basshylaryna sógis jarııalanǵanyn jetkizdi.
«Osyǵan baılanysty Prezıdent Ákimshiligi basshysynyń atyna qurylysqa jaýap beretin oblys ákimderiniń orynbasarlaryn qyzmetinen bosatý týraly usynys engizýdi suraımyn»,-dep túıdi ol.
