Óńirlik attestattaý nátıjesi boıynsha TJD-niń 802 qyzmetkeri jumystarynan bosatylýǵa usynyldy
ASTANA. 19 qarasha. QazAqparat - Óńirlik attestattaý komıssııalarynyń kezekten tys attestattaý nátıjeleri boıynsha oblystar, Almaty jáne Astana qalalarynyń Tótenshe jaǵdaılar departamentteri men Kókshetaý tehnıkalyq ınstıtýtynyń 802 qyzmetkeri laýazymdarynan bosatylýǵa usynyldy.
Bul týraly búgin brıfıng barysynda vedomstvonyń kadrlyq qamtamasyz etý departamentiniń dırektory Erjigit Qultaev málim etti.
Onyń aıtýynsha, óńirlik attestattaý komıssııasynyń kezekten tys attestattaý naýqanynan memlekettik órtke qarsy qyzmet organdarynyń 16 131 qyzmetkeri ótýi tıis.
«Aǵymdaǵy jyldyń 19 qarashasynda áńgimelesýden 15539 qyzmetker ótti. Bul jalpy sannyń 99,8 paıyzyn quraıdy. Onyń ishinde attestattalǵandary - 13758 (87,3 paıyz), laýazymynan tómendeýge usynylǵandary - 635 (4 paıyz), basqa laýazymdarǵa aýystyrylǵandary - 234 (1,5 paıyz), qyzmetterinen bosatylýǵa usynylǵandary - 802 (5 paıyz)», - dep atap ótti ol.
«110 qyzmetker boıynsha sheshim qabyldanǵan joq. Óıtkeni olar qyzmetke jaramdyǵyn anyqtaýǵa qosymsha dárigerlik kýálandyrýǵa jiberildi», - dep túıindedi sózin departament basshysy.
