Óńirlik attestattaý komıssııalary 11 myńǵa jýyq qyzmetkerdi mindetti emtıhannan ótkizdi - ІІM
ASTANA. 12 qyrkúıek. QazAqparat - Bıylǵy 10 qyrkúıekke deıin óńirlik attestattaý komıssııalary 10 776 qyzmetkerdi attestattady.
Bul týraly búgin QR ІІM Kadr jumysy departamenti bastyǵynyń orynbasary Bolat Іshkibaev málim etti.
«Qazirgi ýaqytta elimizdiń barlyq aýmaqtarynda óńirlik attestattaý komıssııalary qalǵan basqa sanattaǵy qyzmetkerlerdi kezekten tys attestattaýdan ótkizýde»,-dedi ol.
«Bıylǵy 10 qyrkúıekke deıin óńirlik attestattaý komıssııalary 10 776 qyzmetkerdi attestattady, onyń 9 268-i (86 paıyzy) laýazymdaryna laıyqty ekendikterin kórsetti. 1508 qyzmetker laýazymdaryna laıyqsyz dep tanyldy, onyń ishinde 473-i qyzmetinen tómendetilýge, 578-i basqa qyzmetke aýystyrylýǵa, al 457 qyzmetker ishki ister organdarynan bosatylýǵa usynyldy»,-dedi B. Іshkibaev.
Aıta keteıik, attestatsııa Joǵary attestattaý, Ortalyq attestattaý jáne Óńirlik attestattaý sanattary boıynsha júrgiziledi.
