Óńirlerge suıytylǵan gaz jetkizý josparyna túzetý engizildi
Budan buryn Atyraýda kólikke quıatyn gaz tapshylyǵy týyndaǵan edi.
Atyraý munaı óńdeý zaýytyndaǵy katalıtıkalyq krekıng qondyrǵysynyń isten shyǵýyna baılanysty suıytylǵan munaı gazy óndirilmeıdi.
Zaýyttaǵy qondyrǵyny qalpyna keltirý naýryzdyń sońyna deıin jalǵasqaly otyr.
Energetıka mınıstrligi osyǵan baılanysty naýryz aıyna suıytylǵan munaı gazyn jetkizýdiń túzetilgen josparyn qaıta jasaqtady.
Onda atalǵan zaýytqa bekitilgen óńirler basqa zaýyttardyń resýrstaryna qaıta bólindi.
«Atap aıtqanda, Almaty, Qaraǵandy, Soltústik Qazaqstan, Jambyl oblystary men Nur-sultan, Almaty qalalaryna suıytylǵan gaz jetkizý «PetroQazaqstanOılProdakts» JShS-ne júkteldi. Al, Qostanaı men Mańǵystaý oblystaryna «SNPS-Aqtóbemunaıgaz» AQ jetkizedi. Atyraý oblysyn «Teńizshevroıl» JShS, Batys Qazaqstan oblysyn «Jaıyqmunaı» JShS qamtıtyn bolady. Qazir qaıta túzetilgen josparǵa sáıkes gaz jelisi uıymdary men jetkizýshi zaýyttar arasynda sharttar jasaý júrgizilýde. Osylaısha, óńirlerdiń suıytylǵan munaı gazyna qajettiligi josparly kólemde qamtamasyz etiledi» dep habarlady mınıstrliktiń baspasóz qyzmetinen.
