Óńirlerge 100 medıtsınalyq keshen jetkiziledi - Ajar Ǵınııat
«Ýaqytyly dıagnoz qoıý úshin aýdandyq aýrýhanalar 53 rentgen apparatymen tolyq jabdyqtaldy. 23 qazanǵa deıin óńirlerge 100 medıtsınalyq keshen jetkiziledi. Onyń ishinde qazirgi tańda 25 jyljymaly medıtsınalyq keshen óńirlerge jetkizilip otyr. Olardyń ishine zerthanalyq, rentgen apparattary ornatylǵan, terapevt, gınekolog syndy kadrlary bar. Búkil aýyl-aımaqty aralap, medıtsınalyq kómek kórsetetin bolady», - dedi Ajar Ǵınııat Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, barlyq aımaqtaǵy aýrýhanalardy ókpeni jasandy jeldetý apparatymen qamtý jumystary júrgizilýde. Qazir elimizde mundaı apparattardyń sany 4 myńnan asty. Barlyq aýrýhana qamtamasyz etildi.
«Qazaqstan zaýyttarynda 376 jedel járdem kólikteri qurastyrylyp, onyń 220-sy óńirlerge jiberildi. Qalǵan 156-sy aldaǵy ýaqytta jetkiziledi. Búgingi kúni halyqty dárilik zattarmen, medıtsınalyq buıymdarmen qamtý mınıstrliktiń baqylaýynda. Byltyr ambýlatorlyq deńgeıde dári-dármekpen tegin qamtamasyz etý 45 aýrý boıynsha qamtylsa, bıyl mindetti áleýmettik medıtsınalyq saqtandyrý júıesi aıasynda 105 aýrýǵa dárilik zattar tegin berilip jatyr», - dedi ol.