Óńirlerdiń baǵany turaqtandyrýdaǵy reıtıngi túziledi

ASTANA. QazAqparat – Óńirlerdiń baǵany turaqtandyrýdaǵy reıtıngi túziledi. Bul týraly Úkimet otyrysynda Premer-Mınıstrdiń orynbasary – Saýda jáne ıntegratsııa mınıstri Serik Jumanǵarın aıtty, dep habarlaıdy QazAqparat tilshisi.

«Tsıfrlyq keńse aıasynda biz baǵany turaqtandyrý jónindegi qyzmettiń negizgi kórsetkishterin baǵalaý boıynsha óńirlerdiń reıtıngin júrgizemiz. Onyń jumysy kelesideı bolady. Birinshi, ónimsiz deldaldardy anyqtaý jáne joıý arqyly óńirlik komıssııalardyń jumysynyń tıimdiligi baǵalanady», - dedi mınıstr.

Onyń atap ótýinshe, ekinshi, ishki naryqty molyqtyrý quraldarymen taýar massasyn der kezinde qalyptastyrýǵa nazar aýdarylady.

«Úshinshi, áleýmettik mańyzy bar azyq-túlik taýarlaryn ótkizýin elektrondy shot-faktýra men kassalyq apparattardyń derekterin taldaý arqyly qatań ákimshilendirýge baılanysty», - dedi Serik Jumanǵarın.