Óńirlerdi jobalaý-smetalyq prıntsıppen qarjylandyrýdan bas tartý josparlanýda

ASTANA. QazAqparat – Ulttyq ekonomıka mınıstri Álibek Qýantyrov Májilis depýtattarynyń saýalyna bergen jaýabynda óńirlerge bıýdjet bólý kezindegi ádiletsizdikterdi qalaı joıatynyn aıtty, dep habarlaıdy QazAqparat tilshisi.

Jergilikti bıýdjetterdi josparlaýda óńirlerdi damytý josparlarynyń rólin kúsheıtý kózdeledi. Qazirgi tańda óńirlerde ınfraqurylymdyq jobalar jobalaý-smetalyq qujattamasy bar ótinimder negizinde qarjylandyrylady. ıAǵnı, ınfraqurylym tıisti qujattarmen ótinimder daıyn bolǵan jerde qarjylandyrylady. Osyǵan baılanysty jobalyq qarjylandyrýdan bas tartý jəne qamtamasyz etý deńgeıine qarjylandyrýǵa kóshý esebinen bıýdjetaralyq qatynastar júıesinde ońtaıly qaıta bólý protsesterin qurý qajet. Halyqtyń bazalyq ıgilikter men qyzmetterge teń qol jetkizýin qamtamasyz etý úshin eń tómengi bazalyq normatıvterdi (jelilerdi) belgileý jáne bıýdjetti josparlaý men oryndaý kezinde olardy zańnamalyq bekitý pysyqtalýda

, - delingen jaýapta.

Onyń aıtýynsha, óńirdiń bazalyq ınfraqurylymyn josparlaý fýnktsııasyn jergilikti ákimdikterge berý josparlanyp otyr.

Tıisti esepteýler salalyq mınıstrlikter memlekettik jáne bıýdjettik josparlaý jónindegi ýákiletti organdarmen birlesip ázirleıtin salalyq ádistemelerge negizdeledi. Qazirgi tańda UEM salalyq mınıstrliktermen birlesip, əleýmettik, ınjenerlik-kommýnıkatsııalyq, kóliktik jəne ózge de ınfraqurylymdaǵy bazalyq normatıvter salasyndaǵy normatıvtik-quqyqtyq aktilerge, bıýdjet qarajatyn qalyptastyrýdy jəne paıdalanýdy normatıvtik qamtamasyz etýge taldaý jəne tekserý júrgizýde. Mundaı təsil óńirler arasyndaǵy bazalyq kórsetiletin qyzmettermen qamtamasyz etýdegi bar teńgerimsizdikterdi teńestirýge múmkindik beredi dep josparlanýda

, - dep jazady mınıstr.