Óńirlerdi qarjylandyrý júıesin túbegeıli qaıta qaraý kerek – Memleket basshysy

NUR-SULTAN. QazAqparat – Jergilikti ózin-ózi basqarý organdaryn tikeleı qarjylandyrý tetigin engizý kerek. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda málim etti, dep habarlaıdy QazAqparat tilshisi.

«Óńirlerdi qarjylandyrý júıesin túbegeıli qaıta qaraǵan jón. Qazirgi kezde aýyldyq okrýgter joǵary turǵan ákimderge tolyǵymen táýeldi. Sondyqtan mardymsyz qoldaýǵa ıe bolýda. Ákimder saılanatynyn eskerip, halyqaralyq ozyq tájirıbege sáıkes jergilikti ózin-ózi basqarý organdaryn tikeleı qarjylandyrý tásilin engizgen durys bolar edi», - dedi Prezıdent.

Bul turǵyda Memleket basshysy olardyń menshik bazasyn edáýir keńeıtý qajet ekenin atap ótti. Olar eleýli resýrstar ıelengen soń ahýalǵa yqpal etedi, sonymen qatar jaýapkershilik alady.

«Olaı bolmaǵan jaǵdaıda, bul ózin-ózi basqarý emes, jaı ǵana aldamshy nárse bolyp shyǵady. Osyǵan baılanysty qajetti daıyndyq jumystarynyń bárin bıylǵy jyldyń ortasyna deıin aıaqtaý kerek», - dedi Qasym-Jomart Toqaev.