Óńirlerdi damytýǵa bólingen qarjynyń tıimdi jaratylýyn árbir ákim jiti qadaǵalaýy tıis
ASTANA. QazAqparat - Óńirlerdi damytýǵa bólingen qarjynyń tıimdi jaratylýyn árbir ákim jiti qadaǵalaýy tıis. Bul týraly búgin Aqordada ótken Úkimettiń keńeıtilgen otyrysynda Elbasy Nursultan Nazarbaev aıtty.
Memleket basshysynyń atap ótýinshe, 2020 jylǵa deıin óńirlerdi damytýdyń biryńǵaı baǵdarlamasy qabyldandy. Atalǵan baǵdarlamany júzege asyrý aıasynda jyl saıyn óńirlerge shamamen 500 mlrd. teńge bólinbek. «Bul qarjy óńirlerde tıimdi paıdalanylýy tıis. Árbir ákim Úkimetpen birge muny jiti qadaǵalaýy qajet», - dedi N.Nazarbaev.
Osy rette Elbasy aýdan ortalyqtary men iri eldi mekenderde mektep janyndaǵy ınternattardy qaıta jańǵyrtýǵa bolatynyn eskertip ótti. «Apatty mektepter» jaıynda aıtqanda, men oblystardy aralap júrip mınıstrlik ondaılardy standartqa saı kelmeıdi dep sanaıtyndyqtaryn baıqadym. Al qazirgi standarttar men senderge aıtqanymdaı, saraılar, biz olarǵa aqshanyń moldyǵynan jol berip qoıdyq. Bala taza tórt qabyrǵasy, synyby bar mektepke kelip bilim alýy, odan keıin úıine qaıtýy qajet», - degen Memleket basshysy mektepke bı zalynyń, mýzykalyq synyptyń, basseınniń qajet emestigin basa aıtty.
