Óńirlerdi damytý baǵdarlamasy aıasynda Qazaqstanda bıyl 103,8 myń sharshy metrge páter salynady
Onyń sózine qaraǵanda, atalǵan baǵdarlama bastaý alǵaly beri Qazaqstannyń 10 óńirinde 13 nysan boıynsha kelisimshart jasalǵan.
«Eseptik kezeńde, ıaǵnı 2015 jyly Almaty oblysynda - 85 myń sharshy metr, Astanada - 32 myń sharshy metr, Qaraǵandyda 8 myń, Óskemende - 25 myńnan astam sharshy metr turǵyn úı paıdalanýǵa berildi.
Osylaısha, óńirlerdi damytý baǵdarlamasy aıasynda Qazaqstanda 151,4 myńnan astam sharshy metr páter salyndy. Sonymen qatar 2015 jyly 15,4 myń sharshy metr nemese 292 páter satyldy. 142,5 myń sharshy metr nemese 2728 páter satyp alý quqyǵymen jalǵa berilgen», - dep atap ótti ol.
B. Mamytalıevtiń sózi boıynsha, satyp alý quqyǵymen jalǵa berý tetikteri boıynsha, páter 15 jyl merzimge deıin beriledi. Astana jáne Almaty qalalarynda ondaı páterlerdiń arendalyq quny sharshy metrine 1612 teńgeni quraıdy. Óskemen jáne Qaraǵandy qalalarynda - 1414 teńge.
«Bul baǵa jalǵa alý merzimi barysynda ózgermeıdi jáne turaqty bolyp tabylady. Eger ulttyq valıýta quny ózgeriske ushyrasa da, onyń deńgeıi sol qalpynda qalady. 2016 jyly óńirlerdi damytý baǵdarlamasy aıasynda 103,8 sharshy metr úı salynady dep kútilýde. 94,2 myń sharshy metr nemese 1463 páter satamyz dep josparlap otyrmyz», - dedi «Samuryq-Qazyna» Jyljymaıtyn múlik» AQ Basqarma tóraǵasy.
