Óńirlerdegi jaǵdaı bizge bergen aqparattan áldeqaıda nashar bolyp shyqty – Álıhan Smaıylov

ASTANA. QazAqparat –Premer-Mınıstr Álıhan Smaıylov Úkimet múshelerin baspasóz ben áleýmettik jelidegi jylytý maýsymy týraly shaǵymdarǵa mán berýge shaqyrdy, dep habarlaıdy QazAqparat tilshisi.

«Tekserýler bastaldy. Óńirlerdegi naqty jaǵdaı buǵan deıin berilgen aqparattan da nashar bolyp shyqty. Problemalar jasyrylyp keldi. Bólingen qarjy jetkiliksiz bolǵandyqtan jańǵyrtý men sapaly jóndeý júrgizilmegen. Stantsııalar men jeli ıeleri jetkilikti ınvestıtsııa salmaǵan. Qaraýsyz jatqan jelilerdiń máselesi de sheshimin tapqan joq», - dedi Úkimet basshysy.

Ol elimizde qys aılary óte qatal ekenin, jylý júıesinde buǵan deıin de talaı apat bolǵanyn eske aldy.

«Biraq olar sany jaǵynan da, aýqymy jaǵynan da dál osyndaı bolǵan emes. Baspasóz ben áleýmettik jelidegi shaǵymdarǵa qarańyzdar. Barlyq óńirden myńdaǵan shaǵym bar. Bul bir kúnniń ǵana problemasy emes. Jyldar boıy qordalanyp jınaldy», - dedi Álıhan Smaıylov.

Foto: t.me/Kzgovernment