Óńirlerdegi sporttyq baza zaman talabyna saı emes - Úkimet otyrysy
ASTANA. 4 jeltoqsan. QazAqparat - Oblystardaǵy sporttyq baza zaman talabyna saı emes. Bul týraly búgin Úkimet otyrysynda 2017 jyly ótetin 28-shi qysqy Búkilálemdik ýnıversıadaǵa daıyndyq boıynsha baıandama jasaý kezinde Bilim jáne ǵylym mınıstri Baqytjan Jumaǵulov aıtty.
«Ýnıversıadaǵa daıyndyq aıasynda jergilikti atqarýshy organdar mektepterdi qajetti jabdyqtarmen jáne mamandarmen qamtamasyz etý jumystaryn kúsheıtý kerek dep oılaımyn. Oblystardaǵy qazirgi sporttyq baza zaman talabyna saı emes,-dedi mınıstr.
B. Jumaǵulovtyń aıtýynsha, Qazaqstanda 190 shańǵy bazasy, 496 hokkeı korty, 3 sekirýge arnalǵan tramplın, sondaı-aq 9 konkı stadıony bar. Budan bólek mektepter balansynda 20 myńnan astam sport ǵımaraty bar. Olardyń 567-si qysqy sport túrlerine arnalǵan nysandar. ıAǵnı, bul kórsetkish jalpy sannan 35 esege az bolyp otyr.
«Osyǵan baılanysty Serik Nyǵmetuly, oblystardyń, Astana men Almaty qalalarynyń ákimderine ınvestorlardy tarta otyryp, sport ǵımarattaryn salý jáne mektepter men kolledjderdi sport jabdyqtarymen qamtamasyz etý boıynsha tıisti shara qabyldaý týraly tapsyrma berýińizdi suraımyn. Sonymen qatar balalar men jasóspirimderge arnalǵan dene shynyqtyrý klýbtaryn, mektepterde arnaıy sport klýbtaryn ashýdy qarastyrý qajet»,-dep atap ótti vedomstvo basshysy.
Onyń sózine qaraǵanda, bul úshin aımaqtarda maqsatty is-sharalar josparyn ázirleý kerek.
