Óńirlerdegi Nur Otan pikirsaıysynda Májilis depýtattarynyń qaısysy jeńiske jetti
Baspasóz qyzmeti habarlaýynsha, pikirsaıys qorytyndysy boıynsha oblystyń ókildik kvotasyna sáıkes, Májilistegi partııalyq tizimge úsh óńirden 17 adam engizildi.
Atap aıtqanda, Almaty oblysynda pikirsaıys qorytyndysy boıynsha tórt daýys basymdyqpen kópbalaly ana jáne praımerızdiń birinshi kezeńiniń jeńimpazy Álııa Ábsemetova birinshi orynǵa shyqty. Partııa jaqtastary lıgasynyń múshesi Álııa Ábsemetovanyń partııaishilik irikteý bastalar aldynda ǵana «Nur Otan» músheligine ótkenin aıta ketken lázim.
Odan keıingi oryndarda 127 daýys jınaǵan avtojol qyzmetkeri Erjan Jasybaev pen 123 daýys jınaǵan memlekettik qyzmetshi Danııar Álimbaev keledi. Sonymen birge tizimge bilim salasynyń ókilderi Janna Telpekbaeva men Damır Dıgaı, jýrnalıst Maqpal Tájmaǵambetova, kásipker Dosan Kárimov jáne mádenıet salasynyń qyzmetkeri Konstantın Nesterov endi.
Qyzylorda oblysynda birneshe daýys sheshýshi ról atqardy. Májilistiń qyzmettegi depýtaty Balaıym Kesebaeva 114 daýys jınasa, odan keıingi «Baıqońyr» ÁKK basshysy Ǵalym Ámireevte – 110 daýys. Úshinshi oryndy 100 daýyspen jeke sektor ókili Aıda Ábıbýllaeva ıelendi. Ol úzdik úshtikke jáne tıisinshe Májiliske kandıdattar tizimine de enbeı qalǵan kásipker Asqar Mahambetovten bar-joǵy 4 daýysqa basym tústi.
Qaraǵandy oblysynda Parlament tómengi palatasynyń depýtaty Gúlnar Bıjanova eń kóp daýys jınady. Ekinshi oryndy 99 daýyspen Ulytaý aýdandyq partııa fılıalynyń tóraǵasy Berik Ábdiǵalıuly ıelendi. Sonymen qatar tizimge JOO oqytýshysy Amanjol Áltaı, partııanyń Qaraǵandy qalalyq fılıaly tóraǵasynyń birinshi orynbasary ıÝlııa Badına, bıznes ókilderi Súıindik Asan jáne Vadım Basın kirdi.
Aıta keteıik, buǵan deıin Májilistiń partııalyq tizimine elorda, Almaty jáne Shymkent qalalarynan kandıdattar saılanǵan bolatyn. Erteń taǵy 11 óńirden úmitkerlerdiń esimderi belgili bolady. Qorytyndy tizim 25 qarashada partııanyń XX sezinde bekitiledi.
«Nur Otan» partııasy Tóraǵasynyń birinshi orynbasary Baýyrjan Baıbek qazirdiń ózinde barlyq deńgeıdegi 216 máslıhatqa 6 253 adamnan turatyn partııalyq tizimder ázirlengenin atap ótken bolatyn.
Áıelderdiń úles sany 22-den 34%-ǵa deıin, jastar – 3,5 ese, 7-den 24%-ǵa deıin artty. Qazirgi qyzmet etip otyrǵan máslıhattardyń quramymen salystyrǵanda ortasha jasy 7 jasqa – 51-den 44-ke deıin jasardy.
Partııalyq tizimderdiń 24% qyzmettegi depýtattar, al 76%-i – jańa tulǵa. Sonymen qatar partııa qataryna 42 myńnan astam jańa múshe qosyldy. Olardyń 1 myńnan astamy partııaishilik saılaýǵa qatysyp, árbir 3-shisi «Nur Otan»-nyń partııalyq tizimine endi.
Elektrondy daýys berý nátıjesimen jáne kandıdattar tizimimen Primaries.kz saıtynan tanysýǵa bolady.
