Óńirlerdegi memlekettik kirister departamentine qalaı habarlasýǵa bolady

NUR-SULTAN. QazAqparat - Aýmaqtyq memlekettik kirister departamentterinde baılanys ortalyqtary ashyldy, dep habarlaıdy QazAqparat komıtettiń baspasóz qyzmetine silteme jasap.

Memlekettik kirister komıteti barlyq aýmaqtyq organdarǵa barýdy azaıtý jáne jeńildetý maqsatynda Qazaqstan Respýblıkasynyń aýmaǵynda tótenshe jaǵdaıdyń engizilýine baılanysty salyq, kedendik mindettemelerdi oryndaýǵa qatysty barlyq suraqtar boıynsha keńes ala alatyn baılanys ortalyqtary qurylǵanyn habarlaıdy.

MKK tótenshe jaǵdaı kezinde turǵylyqty jeri boıynsha nemese ornalasqan jeri boıynsha memlekettik kirister organdarynyń baılanys ortalyqtarynyń qyzmetterin kgd.gov.kz veb-saıtynda «Biz týraly»/«Halyqpen jumys»/«Memlekettik kirister organdarynyń baılanys ortalyqtarynyń telefondary» joly boıynsha, sondaı-aq myna silteme boıynsha tizimde kórsetilgen telefon nómirlerin paıdalanýǵa keńes beredi.

Sonymen qatar, MKK baılanys ortalyǵymen 1414 telefony, WhatsApp: [phone] jáne [phone], [phone], [phone] nómirleri arqyly baılanysýǵa bolady.