Óńirlerdegi halyqty kómirmen qamtamasyz etý máselesi Úkimettiń erekshe baqylaýynda tur
NUR-SULTAN. QazAqparat – Óńirlerdegi halyqty kómirmen qamtamasyz etý máselesi erekshe baqylaýda tur. Bul týraly QR Premer-Mınıstriniń orynbasary Roman Sklıardiń depýtattar saýalyna jaýabynda aıtylǵan, dep habarlaıdy QazAqparat tilshisi.
Jylytý kezeńiniń basynda kómir salasyndaǵy ýákiletti organ jergilikti atqarýshy organdardyń derekteri negizinde kommýnaldyq-turmystyq sektor jáne halyq úshin kómir ónimin tutynýdyń 2021 – 2022 jyldar kezeńine arnalǵan josparyn qalyptastyrdy. Jergilikti atqarýshy organdardyń aqparattary boıynsha kómir satatyn núktelerde kómir qory bar», - delingen Roman Sklıardyń Májilis depýttary saýalyna bergen jaýabynda.
Onyń atap ótýinshe, óńirlerde kómirge qatysty dúrbeleń joq jáne tapshylyq týyndaǵany týraly aqparat túsken jaǵdaıda osy óńirlerge kómir tıep-jóneltýdi ulǵaıtý boıynsha shuǵyl is-sharalar qabyldanýda.
«Óńirlerdegi halyqty kómirmen qamtamasyz etý máselesi erekshe baqylaýda tur jáne kún saıynǵy ýákiletti organnyń, ákimdikterdiń, kómir óndirýshi kásiporyndardyń jáne «QTJ» AQ-nyń qatysýymen operatıvtik keńester ótkizý arqyly sheshimin tabýda», - dedi Úkimet basshysynyń orynbasary.
