Óńirlerde jumys oryndarynyń biryńǵaı bazasy bolady

ASTANA. QazAqparat – Óńirlerde jumys oryndarynyń biryńǵaı bazasy bolady. Bul týraly Úkimet otyrysynda Premer-Mınıstr Álıhan Smaıylov aıtty, dep habarlaıdy QazAqparat tilshisi.

«Múgedektik medıtsınalyq mekemelerge mindetti túrde barmaı-aq jáne rastaý almaı-aq, proaktıvti túrde belgilenetin bolady. Qorytyndyny tájirıbeli dárigerlerden quralǵan táýelsiz sarapshylar beredi. Balaly otbasylardy qoldaý úshin Altyn alqa, Ana dańqy jáne «Batyr Ana» nagradalarymen marapattalǵan analarǵa tólenetin járdemaqy mólsheri saralandy», - dedi Premer-Mınıstr.

Úkimet basshysynyń dereginshe, elimiz boıynsha 90 myńǵa jýyq ana joǵary járdemaqy alady.

«Jańa Áleýmettik kodekske sáıkes Eńbek utqyrlyǵy ortalyqtary qurylýda. Óńirlerde jumys oryndarynyń biryńǵaı bazasy bolady. Bul jumys izdeý protsesin jyldamdatady», - dedi Álıhan Smaıylov.