Óńirlerde sport quramalarynyń daıyndyǵy beı-bereket júrip jatyr - mınıstrlik

NUR-SULTAN. QazAqparat – El aımaqtarynda sporttyq quramalardyń daıyndyǵy máz emes. Sonymen qosa sportshylardy jas ereksheligine qaraı jattyqtyratyn bapkerler joqtyń qasy. Atalǵan máseleni QR Mádenıet jáne sport mınıstrligi sport jáne dene shynyqtyrý isteri komıtetiniń tóraǵasy Samat Erǵalıev kóterdi, dep habarlaıdy QazAqparat tilshisi.

«Ózderińizge belgili, bıyl aqpanda ulttyq olımpıada komıtetinen memlekettik tapsyrys keri qaıtaryp alyndy. Osylaısha 1 sáýirden bastap bul fýnktsııany bizdiń vedomstvoǵa baǵynysty sportty damytý dırektsııasy iske asyrady. Dırektsııa ulttyq qurama komandalarynyń aldaǵy keshendi jáne halyqaralyq jarystarǵa daıyndyǵymen aınalysady. Qazirgi tańda óńirlerde oblystyq quramalardyń daıyndyǵy beı-bereket júrgizilip jatyr. Sport túrleri boıynsha jas erekshelikterine qaraı jaýapty jattyqtyrýshylar joq», - dedi Samat Erǵalıev ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, mınıstrlik joǵaryda atalǵan olqylyqtardy joıýdy qolǵa alady.

«Óńirlerde osy jumystyń bárin ortalyqtandyryp, jaýapty mekemeni belgileý maqsatynda mınıstrlik joǵary sporttyq sheberlik mektebin sportty damytý dırektsııasy etip qaıta qurýdy usynyp otyr. Ondaǵy maqsat - oblystyq qurama komandalardy durys jasaqtaý, sportshylardyń oqý-jattyǵý jıyndary men jarystarǵa júıeli túrde qatysýy, búkil jas erekshelikteri boıynsha aǵa jattyqtyrýshylardyń jaýapkershiligi zańdastyrylady», - deıdi ol.

Sondaı-aq, komıtet basshysy óńirlerdegi dene shynyqtyrý jáne sport basqarmalarynyń jumysy jeńildeı túsetinin aıtty. ıAǵnı, sport saıasatyn júrgizýde sala mekemeleriniń qyzmeti sapaly túrde úılestiriledi.

Spıkerdiń sózinshe, atalǵan shara sport salasynda sybaılas jemqorlyqtyń aldyn alýǵa múmkindik bermek.

Buǵan deıin elimizde birqatar sportta bas bapkerlerdiń qyzmetinen bosatylǵanyn habarlaǵan bolatynbyz.