Óńirlerde sanıtarlyq normalar men betperde rejımin saqtaýdy kúsheıtý kerek – Asqar Mamın
«Pandemııamen baılanysty jaǵdaı kúrdeli ekenin kórip otyrmyz. Qazirdiń ózinde 8 aımaq «qyzyl aımaqqa» kirdi. Aýrýhanalardaǵy oryndardyń júktelýi 41 paıyzdy, al reanımatsııalyq oryndardyń júktelýi 27 paıyzdy qurap otyr. Vırýstyń reprodýktıvtilik ındeksi - 1,15 paıyz. Densaýlyq saqtaý mınıstrligi men ákimdikter aýrýhanalardaǵy oryndardyń tolyq daıyndyǵyn qamtamasyz etýi qajet. Bizdiń mindetimiz - sanıtarııalyq-epıdemıologııalyq jaǵdaıdy turaqtandyrý jáne vaktsına alatyndardyń sanyn arttyrý», - dedi A. Mamın.
Osy oraıda Úkimet basshysy tıisti tapsyrmalardy júktedi.
Birinshiden, ákimder epıdemıologııalyq jaǵdaıǵa baılanysty jedel shekteý sharalaryn qabyldaýy kerek.
«Barlyq emdeý mekemeleri dárilik zattar men medıtsınalyq buıymdardyń qajetti kólemimen tolyǵymen qamtamasyz etilýi kerek. Óńirlerde sanıtarlyq normalar men betperde rejımin saqtaýdy kúsheıtý qajet», - dedi Premer-Mınıstr.
