Óńirlerde sanıtarlyq dárigerler tapshy - senator H. Valıev
ASTANA. 4 qazan. QazAqparat - Óńirlerde sanıtarlyq dárigerler tapshy. Osyǵan oraı áleýmettik qoldaý kórsetiletin mamandar tizbesine sanıtarlyq dárigerler de engizilýi kerek.
Búgin QR Parlamenti Senatynyń jalpy otyrysynda Úkimet basshysynyń atyna saýal joldaǵan senator Hýsaın Valıev osy máseleni kóterdi.
«Búgingi tańda óńirlerde medıtsına kadrlarynyń, onyń ishinde sanıtarlyq dárigerlerdiń jetispeýshiligi aıqyn ańǵarylady. Jaǵdaıdyń bulaısha oryn alýyna basty sebeptiń biri - baspana máselesi. Toqtala ketetin jaıt, óńirlerge jas mamandardy tartý maqsatynda Qazaqstan Respýblıkasy Úkimetiniń 2009 jylǵy 18 aqpandaǵy qaýlysymen bekitilgen aýyldyq eldi mekenderge jumys isteýge jáne turýǵa kelgen mamandardy qoldaý qarastyrylǵan. Onyń ishinde densaýlyq saqtaý, bilim, áleýmettik qamsyzdandyrý, mádenıet, sport jáne veterınarııa mamandaryn áleýmettik qoldaý sharalary júzege asyp, Erejege sáıkes olarǵa bıýdjettik nesıe jáne kótermeaqy tóleý kózdelgen. Alaıda sanıtarlyq dárigerler atalǵan qyzmetkerler sanyna jatpaıdy», - deıdi H. Valıev.
Osyǵan oraı, senator áleýmettik qoldaý sharalaryna enetin Erejelerdi qaıta qarastyryp, sanıtarlyq dárigerlerdi atalmysh ereje boıynsha áleýmettik qoldaýǵa ıe qyzmetshiler qataryna qosýdy suraıdy.
