Óńirlerde qysta zaqym kelgen jol tósemderiniń aqaýlary joıylady
ASTANA. QazAqparat - «Qazaqavtojol» RMK oblystyq fılıaldarynda Keshendi maqsattyq baǵdarlamanyń eki aılyq josparyna saı jumystar júrýde, dep habarlaıdy kompanııanyń baspasóz qyzmeti.
Respýblıkalyq mańyzy bar avtomobıl joldaryndaǵy qaýipsizdikti qamtamasyz etý aıasynda «Qazaqavtojol» RMK jyl saıyn QR IDM bekitetin «Keshendi maqsattyq baǵdarlama» qabyldaıdy. Bıyl KMB aıasynda jalpy qoldanystaǵy respýblıkalyq mańyzy bar avtojoldar tóseminiń qysqy kezeńde paıdalanýdan týǵan aqaýlaryn joıý jáne joldardy odan ári jaılastyrý maqsatynda sáýir-maýsym aılaryna arnalǵan eki aılyq jospar ázirlenip, bekitilgen bolatyn.
1 sáýir men 1 maýsym aralyǵyndaǵy kezeńde Aqmola, Atyraý, Almaty, Jambyl, Qyzylorda, Mańǵystaý, Ońtústik Qazaqstan oblystaryndaǵy fılıaldar jumys atqarýda. Atap aıtqanda, búgingi kúni atalǵan fılıaldarda 109 871 sh.m jol shuńqyrlaryn jóndeý, 85 310 sh.m joltabandar (soraptar) men jol taramdaryn joıý, 4 775 km kólik júretin bólikti syzyp belgileý jumystary júrgizildi, 2 454 jol belgisi ornatylyp, aýystyryldy (sonyń ishinde - 151 aqparattyq panno), 45 jaryqdıodty belgi, 4 498 sıgnal baǵany jáne 277 kılometrlik nusqaý belgisi ornatyldy, 12 605 m jol qorshaýlary jáne 371 m kópirlerdiń taıanysh qorshaýlary ornatylyp, jóndeldi, 86 avtopavılon men demalys alańy jóndeldi.
Al 15 sáýir men 15 maýsym aralyǵynda Aqtóbe, Batys Qazaqstan, Shyǵys Qazaqstan, Qaraǵandy, Qostanaı, Pavlodar jáne Soltústik Qazaqstan oblystyq fılıaldary jumysqa tartylǵan. Bul fılıaldarda 158 358 sh.m jol shuńqyrlaryn jóndeý, 15 004 sh.m joltabandar (soraptar) men jol taramdaryn joıý, 3 931 km kólik júretin bólikti syzyp belgileý jumystary júrgizildi, 1 998 jol belgisi ornatylyp, aýystyryldy (sonyń ishinde - 156 aqparattyq panno), 3 847 sıgnal baǵany jáne 705 kılometrlik nusqaý belgisi ornatyldy, 10 327 m jol qorshaýlary jáne 427 m kópirlerdiń taıanysh qorshaýlary ornatylyp, jóndeldi, 107 avtopavılon men demalys alańy jóndeldi.
