Óńirlerde qosymsha 40-taı PMPK ortalyǵy ashylady - Ashat Aımaǵambetov

NUR-SULTAN. QazAqparat - Elimizdiń barlyq óńirinen qosymsha taǵy 40-qa jýyq psıhologııalyq-medıtsınalyq-pedagogıkalyq konsýltatsııalar ortalyǵy ashylady. Bul týraly QR Bilim jáne ǵylym mınıstri Ashat Aımaǵambetov Feısbýktegi paraqshasynda jazdy.

«Májilistiń jalpy otyrysynda taǵy bir mańyzdy norma qabyldandy. Másele bir PMPK (psıhologııalyq-medıtsınalyq-pedagogıkalyq konsýltatsııalar) ashý normatıvin 60-tan 50 myń balaǵa deıin ózgertý týraly bolyp otyr.

ıAǵnı qazirgi kúni 87 PMPK jumys istep tursa, endi elimizdiń barlyq óńirinen qosymsha taǵy 40-qa jýyq PMPK ashylady.

Bul kezektilik máselelerin sheshýge áser etip, balalardyń erekshe bilim berý qajettilikterin erte anyqtaýǵa jáne sapaly baǵalaýǵa septigin tıgizedi» dep jazdy mınıstr .

Esterińizge sala keteıin, Ulttyq qoǵamdyq senim keńesiniń otyrysynda Prezıdent Úkimetke osy másele boıynsha sharalar qabyldaýdy tapsyrǵan bolatyn.

Balalar jyly aıasynda ózekti jáne uzaq ýaqyt boıy sheshimin tappaǵan máselelerdi sheshýge baǵyttalǵan birqatar jańa bastama iske asyrylady.