Óńirlerde qandastardy qabyldaý boıynsha kvota 90% oryndaldy
Mundaı derekter QR Eńbek jáne halyqty áleýmettik qorǵaý mınıstrligi Kóshi-qon komıtetiniń tóraǵasy Asqarbek Ertaevtiń tóraǵalyǵymen óńirlerdiń jumyspen qamtý jáne áleýmettik baǵdarlamalar basqarmasy basshylarynyń qatysýymen ótken kóshi-qon saıasaty máseleleri jónindegi keńeste aıtyldy.
Keńeste suranysqa ıe kásipter boıynsha sheteldik jumys kúshin tartý, etnıkalyq qazaqtarǵa «Ata joly» kartasyn berý jáne ishki utqyrlyq jónindegi sharalardy iske asyrý máseleleri talqylandy.
Abaı, Qostanaı jáne Shyǵys Qazaqstan oblystarynda qonys aýdarýshylar boıynsha jospardyń oryndalýy joǵary deńgeıde bolsa, tómengi deńgeı Ulytaý oblysynda (28,3% deńgeıinde) baıqaldy. Ekonomıkalyq utqyrlyq boıynsha sertıfıkattar berýde tómen kórsetkish Qaraǵandy (1 sertıfıkat berildi) jáne Aqmola oblystarynda (4 sertıfıkat berildi) baıqalady.
Keńes qorytyndysy boıynsha jumyspen qamtý jáne áleýmettik baǵdarlamalar basqarmalaryna sheteldik jumys kúshin tartatyn jumys berýshilermen aqparattyq-túsindirý jumystaryn jandandyrýdy usyndy.
