Óńirlerde bıznes júrgizýdi 15 000 adam úırendi - UEM

ASTANA. QazAqparat - Qazaqstanda «Bastaý Bıznes» jobasy boıynsha oqýyn 15 000 adam sátti aıaqtady. Bul týraly Úkimet otyrysynda QR Ulttyq ekonomıka mınıstri Tımýr Súleımenov málim etti, dep habarlaıdy QazAqparat.

«Aýyldardyń kóp bóligin kásipkerlik iske tartý jáne aǵymdaǵy jylda olardy nátıjeli jumyspen qamtý maqsatynda «Bastaý Bıznes» jobasy boıynsha bıznesti júrgizý negizin uzaq merzimde oqytý baǵdarlamasy bastaldy. Jobamen respýblıkanyń 14 oblysyndaǵy 80 aýdan qamtyldy», - dep atap ótti mınıstr.

Onyń sózine qaraǵanda, aǵymdaǵy jyly «Bastaý Bıznes» jobasy boıynsha 6 oqý kezeńi júrgizildi, jobaǵa qatysýǵa barlyǵy 21 000-nan astam ótinish tústi. Oqýdy 15 000 adam sátti aıaqtady, onyń ishinde oqyǵandardyń jalpy sanynan jumyssyzdar - 57 paıyzdy, ózin-ózi jumyspen qamtyǵandar 43 paıyzdy qurady. Aýyldyq jerlerde eń belsendiler 30-dan 49 jasqa deıingiler arasynda boldy.

Oqýdyń nátıjeli faktorynyń biri - ol bıznes ıdeıany ázirleý jáne ony bıznes joba retinde qarjylyq damý ınstıtýttarynda qarjylandyrýǵa daıyn bolatyndaı rásimdeý. Oqýdy aıaqtaǵandardyń ishinde bıznes jospardy 8 200 asa adam daıyndady, onyń ishinde 3 314 bıznes joba qarjylandyryldy.

«Bastaý Bıznes» jobasy aýyldyq mekenderde júzege asatynyn eskere otyryp, bıznes josparlardyń qarjylandyrylýy eldi mekenderge bólingen mıkrokredıt qarajaty arqyly iske asady.

«Іsin jańa bastaǵan kásipkerlerdiń ázirlengen bıznes josparlary ekonomıka salasynda aýylǵa tán kásipkerlik bastamany júzege asyrýdy kózdeıdi. Osy oraıda mal sharýashylyǵy jáne ósimdik sharýashylyǵy barlyq jobalardyń 80 paıyzyn quraıdy. Qalǵan 20 paıyzy ekonomıkanyń basqa salalaryndaǵy jobalarǵa tıesili», - dedi T. Súleımenov.