Óńirlerde anyqtalǵan koronavırýstyń jańa jaǵdaılary týraly málimet
NUR-SULTAN. QazAqparat – Qyzylorda, Atyraý jáne Túrkistan, Pavlodar oblystarynda koronavırýs indetin juqtyrýdyń jańa jaǵdaılary naýqas adamdarmen baılanysta bolǵandar arasynda anyqtaldy, dep habarlaıdy QazAqparat.
Buǵan deıin habarlaǵanymyzdaı, 10 sáýir saǵat 20.15-tegi jaǵdaı boıynsha, Qazaqstanda ınfektsııaǵa shaldyǵýdyń jańadan 6 oqıǵasy tirkeldi. Onyń ishinde Almaty qalasynda - 1, Pavlodar oblysynda – 1, Atyraý oblysynda - 2, Qyzylorda oblysynda - 1, Túrkistan oblysynda 1 adam anyqtaldy.
Memlekettik komıssııanyń shuǵyl shtabynan málim etkendeı, Qyzylorda oblysynda koronavırýs ınfektsııasyn juqtyrǵan 49 jastaǵy naýqas Syrdarııa aýdany, Amangeldi aýylynyń turǵyny. Ol indetke shaldyqqan adammen qarym-qatynasta bolǵan. Soǵan baılanysty odan zerthanalyq synamalar alynyp, COVID-19 dıagnozy rastalǵan. Qazirgi tańda bekitilgen hattamaǵa sáıkes em júrgizilýde.
Sońǵy resmı málimetke sáıkes, Qyzylorda oblysynda indetti juqtyrǵan 105 adam bar.
Atyraý oblysynda COVID-19 2 adamnan anyqtaldy. Ekeýi de Atyraý qalasynda tirkeldi. Olar buǵan deıin naýqaspen qarym-qatynasta bolǵan.
«Olardan zerthanalyq synamalar alynyp, PTR dıagnostıkalyq zertteý nátıjeleri boıynsha COVID-19 dıagnozy anyqtaldy. Olar juqpaly aýrýlar aýrýhanasyna jatqyzyldy. Jaǵdaılary qazir qanaǵattanarlyq, bekitilgen hattamaǵa sáıkes em alýda. Naýqastarmen qarym-qatynasta bolǵan adamdar anyqtalyp, barlyǵy medıtsınalyq baqylaýǵa alyndy. Aýrý oshaqtarynda epıdemıologııalyq tekserý, dezınfektsııalyq jumystar júrgizilip jatyr», - delingen Memlekettik komıssııanyń shuǵyl shtabynyń aqparatynda.
Sońǵy derekterge sáıkes, Atyraý oblysynda COVID-19 barlyǵy 47 adamnan anyqtaldy.
Sondaı-aq ınfektsııasyn juqtyrǵan taǵy 1 adam Túrkistan oblysynda tirkeldi.
«Arys qalasynyń turǵyny vırýs juqtyrǵan adammen tyǵyz qarym-qatynasta bolýyna baılanysty karantındik statsıonarǵa jatqyzylǵan. QR Bas memlekettik sanıtarlyq dárigerdiń qaýlysyna sáıkes zerthanalyq synamalar alynyp, dıagnoz naqtylandy. Qazirgi tańda jaǵdaıy qanaǵattanarlyq. Bekitilgen hattamaǵa sáıkes tıisti em júrgizilýde. Naýqaspen qarym-qatynasta bolǵan adamdar anyqtalyp, barlyǵy medıtsınalyq baqylaýǵa alynýda. Aýrý oshaqtarynda epıdemıologııalyq tekserý, dezınfektsııalyq jumystar júrgizilip jatyr», - dedi Memlekettik komıssııanyń shuǵyl shtabynan.
Osy ýaqytta Túrkistan oblysynda COVID-19 indetiniń rastalǵan 35 oqıǵasy bar: Jetisaıda – 14, Ordabasyda – 2, Saıramda – 2, Maqtaaralda – 4, Saryaǵashta – 1, Kentaýda – 5, Arysta – 7 adam.
Pavlodar oblysynda jańadan tirkelgen naýqas jedel járdem qyzmetiniń feldsheri ekenin buǵan deıin jazǵan bolatynbyz. Ol qaıtys bolǵan syrqat adammen baılanysta bolǵan.
10 sáýir saǵat 20.15-tegi sońǵy málimet boıynsha, Qazaqstanda indetke shaldyqqandar sany 808-ge jetti.
