Óńirlerde ana ólimi azaımaı tur
«Óńirlerde ana ólimi azaımaı otyr. Óıtkeni, bosandyratyn maman tapshy, medıtsınalyq tehnıkamen tolyq jabdyqtalmaǵan, mamandardyń biliktiligi jetkiliksiz, shalǵaı aýdandardaǵy júkti áıelder men balalarǵa medıtsınalyq kómek kórsetý logıstıkasy pysyqtalmaǵan. Oblystyq klınıkalardyń aýdandyq uıymdarmen kýratsııasy nashar, sondaı-aq kadrlar jappaı jeke klınıkalarǵa ketýde. Náreste ólim-jitiminiń kórsetkishi 1 myń tiri týǵanǵa shaqqanda 7,79-dy qurady, nysanaly máni 10,1. Kórsetkishke qol jetkizildi»,- dedi Marat Shoranov mınıstrliktiń keńeıtilgen alqa otyrysynda.
Onyń aıtýynsha, 2020 jyly dene shynyqtyrý jáne sportpen shuǵyldanatyn azamattar 31,6 paıyzdy qurady. Barlyq óńirde jetistik baıqalady. AITV-men aýyratyn adamdardy antıretrovırýstyq terapııamen qamtý jospary respýblıka boıynsha 71 paıyzdy quraıdy. Kórsetkish 73 paıyzǵa oryndaldy.
Sonymen qatar birinshi vıtse-mınıstr jol-kólik oqıǵalary saldarynan ólim-jitim deńgeıi respýblıka boıynsha 100 myń turǵynǵa shaqqanda 10,6 quraıtyndyǵyn aıtty. Osy kórsetkish boıynsha Aqmola oblysyn qospaǵanda, ózge óńirlerde oń ózgeris baıqalady.
Respýblıka boıynsha týberkýlezben syrqattaný kórsetkishi 100 myń turǵynǵa shaqqanda 35,7-ni qurady. Óńirler maqsatty kórsetkishke qol jetkizdi.
«Koronavırýs ınfektsııasymen baılanysty shekteý is-sharalary osy kórsetkishterdiń tómendeýine aıtarlyqtaı áser etti», - dedi ol.