Óńirlerde «7-20-25» baǵdarlamasy arqyly satylatyn baspana jetispeıdi
ASTANA. QazAqparat - Óńirlerde "7-20-25" baǵdarlamasy arqyly satylatyn baspana jetispeıdi. Bul týraly búgin Úkimettiń selektorlyq rejimdegi otyrysynda QR Ulttyq banki tóraǵasy Danııar Aqyshev málim etti, dep habarlaıdy QazAqparat tilshisi.
"7-20-25" baǵdarlamasyn jandandyrý úshin mynadaı máselelerdi sheshý qajet. Birinshi, qazirgi ýaqyttaǵy shekteýdiń biri bastapqy baspananyń eń aldymen óńirlerde jetispeýshiligi bolyp otyr. Osyǵan baılanysty baǵdarlama talaptaryna saı keletin turǵyn úı qurylysyn Qazaqstannyń perspektıvaly óńirlerinde qamtamasyz etý mańyzdy", - dedi ol.
Ulttyq bank basshysynyń aıtýynsha, ol úshin turǵyn úıge suranysty demografııalyq ósimge jáne halyqtyń kóshi-qonyna baılanysty eskerý kerek.
"Aldyn ala baǵalaýǵa sáıkes azamattardyń baǵdarlama boıynsha 2019 jyly baspanaǵa degen qajettiligi shamamen 16 myń páter bolady", - dedi Danııar Aqyshev.
