Óńirlerde 54 mlrd teńge ıgerilmegen – Qarjy mınıstri
«Jergilikti bıýdjetterdiń shyǵystary 7,1 trln teńgeni qurady, atqarylmaǵany - 208 mlrd teńge. Bıyl óńirlerge 2,2 trln teńge somasynda nysanaly transfertter kózdelgen. Aldyn ala derekter boıynsha olarǵa 1 jeltoqsanǵa deıin 2 trln teńge bólingen. Olardyń 96,7% ıgerilgen. Atqarylmaǵany - 66 mlrd teńge, onyń ishinde 12 mlrd teńge únemdelse, 54 mlrd teńge ıgerilmegen», - dedi Erulan Jamaýbaev Úkimet otyrysynda.
Qarajatty ıgere almaǵan óńirler arasynda Nur-Sultan, Almaty qalalary, Aqtóbe, Batys Qazaqstan jáne Atyraý oblystary bar.
«Jergilikti atqarýshy organdardyń aqparatyna sáıkes, jyl qorytyndysynda nysanaly transfertter boıynsha 26 mlrd teńge somasynda jospardyń oryndalmaýy boljanyp otyr. Onyń negizgi sebepteri: memlekettik satyp alý boıynsha únemdeý; josparǵa qaraǵanda alýshylardyń naqty sanynyń azaıýy; jumys júrgizý kestesinen artta qalý, jumys kóleminiń oryndalmaýy. Sondyqtan, respýblıkalyq bıýdjettik baǵdarlama ákimshileri men jergilikti atqarýshy organdar bıýdjet qarajatyn tıimdi jáne tolyq ıgerý úshin barlyq sharalardy qabyldaýy qajet», - dedi Qarjy mınıstri.
