Óńirler tynysy Elbasy oıynan shyqty

Memleket basshysy Qyzyljar óńirindegi saparyn egis alqaptaryndaǵy egin oraǵynyń barysymen tanysýdan bastady. Turǵyndarmen kezdesýlerde aýylsharýashylyǵy men áleýmettik, kólik ınfraqurylymy salalarynyń máseleleri keńinen sóz boldy. Prezıdent Petropavl halyqaralyq áýejaı ǵımaratyn aralap kórip, ushý-qoný jolaǵy men jolaýshylar termınalyn qaıta jańǵyrtý barysymen tanysty. Elbasy aralaǵan tanaptardan Qyzyljar aýdany «Shaǵala-Agro» JShS joǵary túsim alýda eken. Seriktestik basshysy Jomart Omarov óndiriske paıdalanylatyn jer telimderiniń 35 myń gektardy quraıtynyn, onyń 9 myń gektaryna dándi, 13,6 myń gektaryna maıly daqyldar egilgenin, astyqtyń 85 paıyzy bastyrylǵanyn jetkizdi.

Prezıdentke oblys ákiminiń bi¬rinshi orynbasary Aıdarbek Saparov agroónerkásip kesheniniń negizgi kór¬setkishteri men ony damytý jolynda atqarylyp jatqan sharalar týraly baıan¬dady. Nursultan Nazarbaev mehanızatorlarmen jáne agrarlyq kompanııa ókilderimen áńgimelesý barysynda astyq óndirisin ártaraptandyrýdyń, az shyǵyn jumsap, mol ónim alýdyń básekelestik qarymyn arttyrýdyń mańyzyna erekshe toqtaldy. Qyzyljardyń qunarly topyraǵynda maıly daqyldar da jaqsy ósetinin tilge tıek etken Prezıdent et, sút ónimderin qaldyqsyz qaıta óńdeý isin aýyldarda jalǵastyrý kerektigin nazarǵa aldy. Elbasyna sharýalar jan-jaqty qoldaýy jáne aýyl sharýashylyǵy salasyndaǵy tıimdi memlekettik saıasaty úshin alǵystaryn bildirdi. Al Nursultan Nazarbaev jınalǵandarǵa jemisti jumys, tabys pen baq-bereke tiledi.

- Atqarylǵan jumystar az emes. Meniń tapsyrmam boıynsha qolǵa alynǵan «Serpin - 2050» baǵdarlamasy sheńberinde ońtústik óńirlerden 1 myńǵa jýyq jastardyń osynda bilim qýyp kelgenderi, 118 otbasynyń qonystanýy quptarlyq. Ol jaqtarda jer de, jumys ta tapshy. Teriskeıdiń shuraıly tabıǵaty, qunarly topyraǵy mal da, astyq ta ósirýge óte qolaıly. Bıyl 700 shaqyrym joldy qalpyna keltirgen ekensizder. Jol - ekonomıkanyń, tirshiliktiń kúretamyry. Jolsyz búgingi ómirdi eles¬tetý qıyn, - dedi Prezıdent.
Prezıdent kelesi kezekte áskerı ónerkásip kórmesinde bolyp, jergilikti kásiporyndar shyǵaratyn áskerı tehnıkalar úlgilerimen tanysty. Kórmeni aralap shyqqan N.Nazarbaev otandyq qorǵanys ónerkásibiniń óndiristik múmkindigi men ınnovatsııalyq áleýetine oń baǵa berdi.

Qostanaıǵa jumys saparymen taban tiregen Elbasy Nursultan Nazarbaev aldymen oblyspen attas aýdandaǵy «Óteýlın» sharýa qojalyǵynyń egis alqabyna bet burdy. Alqap basynda Nursultan Nazarbaevqa bıdaı sorttarynyń kórmesi kórsetildi. Onda bıdaıdyń oblys óńirinde ósiriletin 19 sortynyń úlgisi qoıyldy. Memleket basshysynyń Qostanaıǵa sapary «Baıan Sulýdyń» táttilerin óndiretin aktsıonerlik qoǵamynda jalǵasty. «Baıan sulý» eskiden qalǵan kondıter fabrıkasy bolǵanymen, táýelsizdik jyldary munyń tek aty ǵana emes, zaty da ózgerip, elimizdegi iri óńdeý kásipornyna aınaldy.

Memleket basshysynyń Aqmola oblysyndaǵy sapary aıasynda Qazaqstan Táýelsizdigimen qurdas «Kókshetaý mıneraldy sýlary» aktsıonerlik qoǵamynda jańa ınnovatsııalyq jeli iske qosyldy.

Ótken jyly qolǵa alynǵan bul jobaǵa 3,7 mıllıard teńge qarjy jumsalǵan jáne kóptegen jańa jumys ornyn ashýǵa múmkindik týǵan. Jańa óndiristik jeli alkogolsiz sýsyn daıyndaýdyń barlyq aınalymynda klasterlik júıe men jumys isteıdi, ıaǵnı sýsyndy daıyndap, ózderi jasaǵan qutylarǵa quıyp, tutynýshylarǵa daıyn ónimdi úzdiksiz jetkizedi.

Elimiz táýelsizdigin alǵan 1991 jyly qurylǵan kásiporynda búginde 100-ge tarta ónim túrleri shyǵarylady. Onyń ishinde sońǵy 15 jyl boıy «Týran» brendimen («TURAN») Reseı Federatsııa¬syna mıneraldy sýlar men alkogolsiz sýsyndar turaqty túrde jetkizilip keledi. Qazirgi kúni kásiporynda ekologııalyq taza aımaqtardan býtıldengen tabıǵı mıneraldy sý shyǵarý boıynsha Ońtústik-Shyǵys Azııadaǵy halyqaralyq mańyzy bar eń úzdik ınnovatsııalyq qazaqstandyq kásiporyndy qurýǵa arnalǵan jahandyq jańǵyrtý bastaldy. 2020 jylǵa deıin tabıǵı mıneraldy sýdy jylyna 400 mıllıon lıtrge deıin jetkizýge múmkindik beretin óndiristik qýatty arttyrý jospar¬lanǵan.

Nursultan Nazarbaev Aqmola oblysyna jasaǵan jumys sapary barysynda el Táýelsizdiginiń 25 jyldyǵyna oraı Eýrazııalyq ekonomıkalyq odaq aıasyndaǵy tuńǵysh birlesken joba - Kókshetaýdaǵy «Qazaqstannyń agroınnovatsııalyq korporatsııasy» jaýapkershiligi shekteýli seriktestiginiń jumysymen tanysty. Memleket basshysy elimizdiń teńizge shyǵar joly bolmaǵandyqtan, basqa eldermen saý¬da baılanysyna, al ol óz kezeginde óndirisimizdiń damýyna keri áserin tıgizgenin, osy oraıda tyǵyryqtan shyǵar jol retinde avtokólik jáne temir jol baılanysyn damytýǵa jete kóńil bólingendigin atap ótti.

Odan ári Elbasy Aqmola oblysynyń qazirgi damý jaıyna toq¬talyp, sońǵy jyldarda oblys sharýa¬shylyqtary¬nyń 10 myńdaı sheteldik tehnıkany satyp alǵandyǵyn, ónimdiligi joǵary tehnıkalardyń arqasynda egin sharýashylyǵynyń aıtarlyqtaı damyp otyrǵanyn tilge tıek etti.