Óńirler ekonomıka ósiminiń tómendeý sebepterin joıýy qajet - Tımýr Súleımenov
«Negizgi kapıtalǵa ınvestıtsııalar kóleminiń aıtarlyqtaı tómendeýi 3 óńirde baıqalady. Investıtsııalardy tartý boıynsha 4,3 ese ósimmen Qyzylorda oblysy kóshbasshy bolyp otyr. Sondaı-aq, ınvestıtsııalardyń aıtarlyqtaı ósýi Qaraǵandy, Aqmola, Túrkistan, Qostanaı oblystarynda baıqalady»,- dedi mınıstr.
Jalpy, onyń aıtýynsha, 2019 jyldyń birinshi aıynyń qorytyndysy boıynsha ekonomıkanyń kóptegen salalarynda ósimniń báseńsı túskeni baıqalady.
«Bul rette, óńdeýdiń negizgi salalaryndaǵy quldyraý jáne qurylystaǵy tómendeý tutastaı alǵanda ekonomıkalyq ósimge barynsha teris yqpal etti. Bizdiń baǵalaýymyzsha, osy salalardyń jalpy ishki ónimniń ósýine teris salymy 1,1 protsenttik tarmaqty quraıdy. Osyǵan baılanysty, salalar men óńirler bólinisinde ekonomıkanyń ósýiniń tómendeý sebepterin túbegeıli zerdeleý jáne olardy joıý qajet. Ortalyq memlekettik organdar men ákimder ekonomıkalyq belsendiliktiń ósýine qoldaý kórsetý jáne yntalandyrý boıynsha barlyq túbegeıli sharalar qabyldaýy tıis»,- dedi T.Súleımenov.
