Óńirler boıynsha eń joǵary jalaqy Mańǵystaý oblysynda belgilendi - Statıstıka agenttigi
ASTANA. 9 qarasha. QazAqparat - 2012 jylǵy qyrkúıektegi bir qyzmetkerdiń ortasha aılyq ataýly jalaqysy 99 804 teńgeni qurady.
Ataýly jalaqy ındeksi 2011 jylǵy qyrkúıekke 108,6%, al naqty jalaqy ındeksi 103,4% qurady.
QR Statıstıka agenttiginiń málimetinshe, salalyq qurylymda eń úlken jalaqy kásibı, ǵylymı jáne tehnıkalyq qyzmette begilendi - 192,9 myń teńge (ortasha respýblıkalyq deńgeıden 1,9 esege asady), ken óndirý ónerkásibi jáne karerlerdi qazýda - 188,6 myń teńge (1,9 ese), qarjy jáne saqtandyrý qyzmetinde 166,4 myń teńgege (1,7 ese) belgilendi. Eń tómengi jalaqy sýmen jabdyqtaý; káriz júıesi, qaldyqtardyń jınalýyn jáne taratylýyn baqylaý qyzmetkerlerinde baıqaldy (61,6 myń teńge), bul el boıynsha orta kórsetkishten 38,3%-ǵa tómen.
Óńirlik bóliniste eń joǵary jalaqy Mańǵystaý oblysynda belgilendi - 181,5 myń teńge, bul ortasha respýblıkalyq kórsetkishten 1,8 esege asady. Jambyl oblysynda munyń shamasy 70,4 myń teńgeni qurady, bul el boıynsha ortasha deńgeıden 29,4%-ǵa tómen.
