Óńirler bir-birimen úılespeıtin sheshimder qabyldap jatyr - Memleket basshysy
NUR-SULTAN. QazAqparat - Óńirler bir-birimen úılespeıtin sheshimder qabyldap jatyr. Bul týraly koronavırýs indetiniń taralýyna qarsy kúres sharalary jónindegi keńeste QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Óńirler túrli, bir-birimen úılespeıtin sheshimder qabyldap jatyr. Ákimshilik sharalar men shekteýler de bir-birinen alshaq. Munyń barlyǵy máselelerdi kúrdelendirip, vırýspen jalpyhalyqtyq kúreske esh paıdasyn tıgizbeı otyr. Sol sebepti indetpen kúres jáne teris áleýmettik-ekonomıkalyq saldardy joıý boıynsha barlyq sheshimderdi Premer-Mınıstr basshylyq etetin Memlekettik komıssııa aıasynda ázirleýdi tapsyramyn», - dedi Memleket basshysy.
Osy rette QR Prezıdenti atalǵan Memlekettik komıssııa tósek-oryn, medıtsına qzmetkerleri men kómekshi personaldar, statsıonarlar men dárihana jelilerindegi dári-dármek, qajetti qural-jabdyqtar (onyń ishinde ókpeni jasandy jeldetý apparaty men kompıýterlik tomografııa), laboratorııalyq zertteý, jeke qorǵanys quraldary boıynsha synı resýrstardy bólýge ortalyqtandyrylǵan baqylaýdy qamtamsyz etý tıistigin basa aıtty.
«Memlekettik mindet - naýqastar sany boıynsha eń pessımıstik stsenarııdiń ózinde densaýlyq saqtaýdy eń negizgi resýstarmen bir ortalyqtan qamtamasyz etý», - dedi Memleket basshysy.
