Óńirler belsendi túrde sý únemdeý tehnologııalaryn engizýi tıis – Premer-Mınıstr

ASTANA. QazAqparat – Klımattyń ózgerýi men sý tapshylyǵy aýyl sharýashylyǵy úshin úlken qaýip-qaterge aınalyp otyr. Úkimet otyrysynda Premer-Mınıstr Álıhan Smaıylov atalǵan máselege qatysty alańdaýshylyq bildirdi, dep habarlaıdy QazAqparat tilshisi.

«Klımattyń ózgerýi men sý tapshylyǵy aýyl sharýashylyǵy úshin úlken qaýip-qaterge aınalyp otyr. Sondyqtan, sý resýrstaryn tıimdi paıdalanýdy kúsheıtý boıynsha Jol kartasyn ázirleý qajet. Óńirler belsendi túrde sý únemdeý tehnologııalaryn engizýi tıis. Sondaı-aq qazirgi jaǵdaıda jemshóp daıyndaýǵa erekshe nazar aýdarý qajet», - dep Úkimet múshereline tapsyrma júktedi Álıhan Smaıylov.

Qosa ketsek, búgin Úkimet otyrysynda baıandama jasaǵan Aýyl sharýashylyǵy mınıstri Erbol Qarashókeev sý tapshylyǵyna baılanysty daqyl egilgen 7,8 myń gektar alqap zardap shekkenin aıtty.