Óńirler azyqtyq daqyldarǵa bólingen sýbsıdııany múldem paıdalanbaıdy - AShM
Bul týraly búgin mal azyǵyn óndirý máselesine arnalǵan keńeıtilgen alqa otyrysynda QR Aýyl sharýashylyǵy vıtse-mınıstri Gúlmıra Isaeva málim etti.
Onyń atap ótýinshe, mınıstrlik birinshi kezekte oblystardyń ótinimderi boıynsha azyqtyq daqyldarǵa sýbsıdııalardy tolyq kólemde bólip otyr. Degenmen birjyldyq jáne kópjyldyq shópke bólingen sýbsıdııany oblystar tuqym óndirisiniń jetkiliksizdigi saldarynan paıdalanbaıdy. «Sondyqtan da bul aqshany basqa daqyldarǵa qaıta bólýge týra keledi. Іs júzinde jergilikti bıýdjet qarjysynan azyqtyq daqyldardyń birinshi, ekinshi jáne úshindi reprodýktsııalyq tuqymyna sýbsıdııa bólinbeıdi», - dedi ol.
Vıtse-mınıstrdiń sózine qaraǵanda, áli kúnge deıin óndiriste azyqtyq daqyldardyń eskirgen tuqymy paıdalanylyp keledi. Máselen, Pavlodar oblysynda 1954 jyly paıdalanýǵa engizilgen Brodskaıa-2 dep atalatyn sýdan shóbiniń tuqymy sebilse, Soltústik Qazaqstan oblysynda 1972 jylǵy Krýpnosemıannyı-1 surypy qoldanylýda.
G. Isaeva ǵylymı-zertteý ınstıtýttarynyń áleýetin paıdalaný qajettigin atap ótti. «Ǵylymı-zertteý ınstıtýttarynyń áleýeti jetkilikti paıdalanylmaıdy»,- dep atap ótken vıtse-mınıstr bul rette Baraev atyndaǵy ǵylymı-zertteý ınstıtýtynda azyqtyq daqyldar surypyn kóbeıtýmen aınalysýǵa bolar edi degen pikirin ortaǵa saldy.