Óńirler aımaqtarda júrgizilip jatqan til saıasatyna qatysty jumystaryn saraptaýda

Búgin elordadaǵy Ulttyq akademııalyq kitaphanada oblystyq jáne Astana men Almaty qalalyq basqarmalarynyń bastyqtary baıandama jasaýda.

«Qazirgi ýaqytta tilderdi damytý basqarmalarynyń bastyqtary óz esepterin berýde. Aıta keterligi, tilderdi damytý saıasatyn júzege asyrýda oń nátıjeler bar. biz óńirlik esepterdi tolyǵymen tyńdaǵannan keıin qorytyndysyn shyǵaramyz», - deıdi QR Mádenıet jáne aqparat mınıstrligi Til komıtetiniń tóraǵasy Maqsat Ysqaqov.

Qazaqstan Respýblıkasyndaǵy til saıasatynyń júzege asyrylýy, memlekettik tildiń qoldanylý aýqymyn keńeıtý máselesi boıynsha óńirlerde atqarylyp jatqan jumystardy saraptaý maqsatynda ótkizilip jatqan semınar-keńeske QR Prezıdenti Ákimshiliginiń, «QazTest» ulttyq testileý ortalyǵynyń, Til komıtetiniń ókilderi qatysýda.