Óńirdiń jas daryn ıelerine oblys ákiminiń arnaıy syı-sııapaty tabystaldy
KÓKShETAÝ. Qańtardyń 2-si. QazAqparat /Janmurat Janaıdarov/ - Aqmola oblysynyń ákimi Albert Raý saltanatty jaǵdaıda bir top jas daryn ıelerine jyl qorytyndysy boıynsha Shoqan Ýálıhanov, Qanysh Sátbaev, Málik Ǵabdýllın atyndaǵy syılyqtardy tabystady,
dep habarlaıdy QazAqparat tilshisi oblys ákiminiń baspasóz qyzmetine silteme jasap.
Jas ǵalymdar saıysyna júzden astam úmitker qatysyp, baqtaryn synaǵan. Solardyń ishinen júzden júırik shyqqan on jumys atap ótildi. Baıqaý nátıjesi boıynsha Shoqan Ýálıhanov atyndaǵy Kókshetaý memlekettik ýnıversıtetiniń muǵalimi Jansaıa Ósipova, Kókshetaý ýnıversıtetiniń 3-shi kýrs stýdenti Zarına Ábdirahmanova, Abaı Myrzahmetov atyndaǵy ýnıversıtettiń 4-shi kýrs stýdenti Ásel Bekenova «Týǵan ólkesin úzdik zertteýshi», Abaı Myrzahmetov atyndaǵy ýnıversıtetten Ekaterına Dengıs, Rabıǵa Shamıǵanova, Kókshetaý ekonomıka jáne menedjment ınstıtýtynan Ǵalııa Ábjanova men Rústem Aıýlova «Úzdik ınnovatsııalyq joba», Abaı Myrzahmetov atyndaǵy ýnıversıtettiń stýdenti Elena Mılenına men zańtaný kafedrasynyń muǵalimi Nurlygúl Áljaparova men nomeri 1-shi Kyzyljar orta mektebiniń ustazy Aıgúl Kenjebaeva «Azamattyǵy men patrıottyǵy úshin» atalymdarynyń júldegerleri atandy. Olarǵa oblys ákiminiń dıplomdary men elý myń teńgeden syıaqy tabystaldy.
