Óńirdegi jaǵdaı turaqty – ákimdik Almaty oblysyndaǵy oqıǵa týraly

QONAEV. QazAqparat – Almaty oblysynyń ákimdigi Esik qalasynda bolǵan oqıǵaǵa baılanysty málimdeme jasady. Onda 5 adam jaraqattanyp, onyń biri qaıtys bolǵan edi, dep habarlaıdy QazAqparat tilshisi.

«Óńirde jaǵdaı turaqty. Bul turmystyq sıpattaǵy oqıǵa bolǵan», - delingen málimdemede.

Oblys ákimdiginiń málimetine sáıkes, 6 qarashaǵa qaraǵan túni Eńbekshiqazaq aýdandyq ortalyq aýrýhanasyna 5 er adam túrli jaraqatpen (pyshaq jáne oq jaraqaty) túsken.

«Aýrýhanaǵa túskenderdiń biri kóz jumdy. Ekeýi alǵashqy medıtsınalyq kómek kórsetilgennen keıin ambýlatorlyq em qabyldaýǵa aýystyrylyp, úılerine jiberildi. Al, eki er adam dereý jan saqtaý bólimine jatqyzyldy», - dep málimdedi ákimdiktiń baspasóz qyzmetinen.

Bul fakti boıynsha QR QK 99-baby 2-bólimi 1, 6, 7 jáne 9-tarmaqtary boıynsha sotqa deıingi tergeý bastaldy.

Eske salsaq, Almaty oblysy Eńbekshiqazaq aýdanynyń kópsalaly aýrýhanasyna túrli jaqattary bar 5 adam túsip, onyń bireýi kóz jumǵany habarlanǵan bolatyn.