Óńirdegi kómek jınaý pýnktine alǵashqylardyń biri bolyp jetken túrkistandyq 1 tonna un berdi
«AMANAT» partııasy Túrkistan oblystyq fılıaly janynan zardap shekkenderge gýmanıtarlyq kómek qabyldaý pýnkti ashyldy. Onda janashyr azamattar tarapynan kórsetiletin qaıyrymdylyq kómekti atalǵan óńirge jóneltý sharalary uıymdastyrylady.
Sondaı-aq, partııanyń «Jastar ruhy» jastar qanaty Túrkistan oblystyq fılıalynyń múshelerinen volonterler toby quryldy.
Búgin Túrkistan qalalyq máslıhat depýtaty Aqıqat Abdýllaev alǵashqylardyń biri bolyp óz kómegin qabyldaý pýnktine jetkizdi. Ol qostanaılyqtarmen osyndaı qıyn sátte birge ekenin jáne jaǵdaıdyń tezirek turaqtalýyn tileıtinin aıtty. Sondaı-aq, Maqtaaraldaǵy sý tasqyny, Arystaǵy apat kezinde eldiń ár túkpirindegi otandastar, onyń ishinde Qostanaı jurtshylyǵy da ıgi isten qapy qalmaı qoldaý bildirgenin atap ótti.
Al, Túrkistan qalalyq máslıhatynyń depýtaty Nursultan Júsipbaev Qostanaı oblysynda zardap shekkenderge kómek retinde qabyldaý pýnktine 1 tonna un jetkizdi. Ol buǵan deıin de oblysta bolǵan tótenshe jaǵdaılar men túrli qaıyrymdylyq sharalarǵa demeýshilik kórsetip keledi.
«Tótenshe jaǵdaılardy bastan ótkergen óńirdiń turǵyny retinde keshegi apattyń qanshalyqty aýyr ekenin túsinemin. Qazaqtyń «Jumyla kótergen júk jeńil» degen maqaly osyndaıda qoldanylsa kerek. El bolyp bul synaqtan da ótetinimizge senemin. Mundaı kómekti jaǵdaı turaqtalǵansha jalǵastyrýymyz kerek», - deıdi ol.
Aıta keteıik, búgin saǵat 9-dan «AMANAT» partııasy Túrkistan oblystyq fılıaly janynan ashylǵan pýnktide gýmanıtarlyq kómek qabyldana bastady. Qabyldaý pýnktinde jolǵa jaramdy ári qajetti azyq-túlik ónimderi, gıgıenalyq zattar, kıim-keshek, tósek-oryn buıymdary jınaqtalyp jatyr.
Eske salsaq, 2 qyrkúıekte saǵat 15:10-da Qostanaı oblysyndaǵy Qazanbasy aýylynan 20 shaqyrym jerde, «Basaman KShSh» KMM aýmaǵynda orman alqaby órtengen bolatyn. Tótenshe jaǵdaılar mınıstri ıÝrıı Ilın oqıǵa ornyna tikushaqpen attandy .
Órt aýyldarǵa qaraı jalyndap, turǵyndar evakýatsııalandy, órtke baılanysty shuǵyl jeli iske qosyldy.
Prezıdent Qasym-Jomart Toqaev Premer-Mınıstr Álıhan Smaıylov, Tótenshe jaǵdaılar mınıstri ıÝrıı Ilın jáne Qostanaı oblysynyń ákimi Arhımed Muhambetovtyń órt aımaǵyndaǵy jedel jaǵdaı týraly esebin tyńdady.
Tótenshe jaǵdaılar mınıstri ıÝrıı Ilınniń málimeti boıynsha, Qostanaı oblysy Áýlıekól aýdanyndaǵy órt 43 myń gektardan astam aýmaqty sharpyǵan. Amanqaraǵaı aýylynda 98 úı órtenip ketti. 10 adamdy ortasha deńgeıde kúıik shalǵan jáne ýlanǵan. Sondaı-aq, Amanqaraǵaı aýylynda bir adamnyń máıiti tabyldy.
QR Premer-Mınıstri Álıhan Smaıylov Qostanaı oblysyndaǵy alapat tabıǵı órtterdiń saldaryn joıý máseleleri boıynsha jedel keńes ótkizdi.
Óńirlerde «AMANAT» partııasynyń gýmanıtarlyq kómek qabyldaý pýnktileri jumysyn bastady.
