Óńirdegi ınspektsııa basshysynyń paramen ustalýy - Básekelestikti qorǵaý agenttigine jaǵylǵan «qara kúıe»
ASTANA. QazAqparat - Bıyl Qyzylorda oblysy boıynsha básekelestikti qorǵaý ınspektsııasy basshysynyń para alǵany úshin qamaýǵa alynýy QR Básekelestikti qorǵaý agenttiginiń bedeline «qara kúıe» jaqty. Búgin Astanada ótken keńeıtilgen alqa májilisinde osy vedomstvonyń basshysy Ǵalym Orazbaqov osylaı aıtty.
«Qyzylorda oblysy boıynsha básekelestikti qorǵaý ınspektsııasy basshysynyń óziniń kabınetinde para alǵany úshin ustalýy faktisin ókinishpen aıtyp otyrmyn. Bul fakti árıne, barsha agenttikke «kúıe» jaǵyp otyr», - dedi Ǵ. Orazbaqov. Osy oraıda agenttik basshysy qyzmetkerlerine vedomstvoda jemqorlyqqa jol berilmeýi kerektigin qadap aıtty. «Ymyrasyz kúres júrgiziledi jáne jemqorlyqqa qatysy barlardyń barlyǵy jaýapqa tartylady», - dedi ol. Esterińizge sala keteıik, 2013 jylǵy 16 qańtarda ótkizilgen arnaıy jedel-izdestirý sharalarynyń nátıjesinde Qyzylorda oblysy boıynsha Qarjy polıtsııasy departamenti oblystyq Monopolııaǵa qarsy ınspektsııasynyń basshysy A.Aımyrzaevqa qatysty para alý faktisi boıynsha qylmystyq is qozǵady, Oǵan 2014 jylǵy 15 jáne 16 qańtar kúni «Qyzylorda tazalyǵy» JShS dırektorynan memlekettik satyp alý boıynsha kelisimsharttyń merzimin uzartýdy kelisý úshin 2 myń AQSh dollary jáne 295 myń teńge kóleminde para aldy degen aıyptalýda.
