Óńirde sporttyń badmınton túri óris alatyn bolady - BQO

ORAL. 25 qańtar. QazAqparat /Eljan Eraly/ - Batys Qazaqstan oblysynda sporttyń badmınton túri óris alatyn bolady. Bul týraly Oral qalasynda ótkizilgen oqytý semınarynda aıtyldy.

Ótken jyly jeltoqsan aıynda qurylǵan «BQO badmınton federatsııasy» qoǵamdyq birlestiginiń qatary osy sport túrimen aınalysatyn sheberlermen de, áýesqoı adamdarmen de tolyǵyp keledi. Qoǵamdyq birlestiktiń atqarýshy dırektory Beket Balyqovtyń sózine qaraǵanda, badmınton óńirde damı qoımaǵanmen, onyń birqatar artyqshylyqtary bar. ıAǵnı sporttyq jabdyqtary asa qymbat emes.

Oblys ákiminiń orynbasary Berik Tolymbaev federatsııa prezıdenti bolyp saılansa, «Kondensat» kompanııalar toby qoldaý bildirdi. Oqytý semınary barysynda oıyn túrleri kórsetilip, shara ótkizilgen №7 orta mektepke badmınton jabdyǵy tartý etildi.